လာမည့် ရက်ပိုင်းအတွင်း ၀ နှင့်မိုင်းလားအား အစိုးရ၏ ငြိမ်းချမ်းရေး ကိုယ်စားလှယ်များက လာရောက်တွေ့ဆုံ မည်ဟုသိရသည်။

တရုတ်ဘက်က ဆက်သွယ်ပေးမှုအရ အစိုးရကိုယ်စားလှယ်တွေနဲ့ ၀ ၊ မိုင်းလားကိုယ်စားလှယ်တွေတွေ့မယ်။ နိုဝင်ဘာ ၁၀ ရက်နေ့ ပြောတယ်။ ဖွံံ့ဖြိုးတိုးတက်ရေး ဆိုတဲ့ခေါင်းစဉ်နဲ့ တွေ့ကြမယ်။ ငြိမ်းချမ်းရေး ခေါင်းစဉ် တပ်ပြီးဆွေးနွေးရင် မြောက်ပိုင်းမဟာမိတ်အဖွဲ့နာမည်နဲ့ ဆွေးနွေးရမယ်လို့ သူတို့အချင်းချင်း သဘောတူထား တာ ရှိလို့လေ- ဟု ငြိမ်းချမ်းရေးအကျိုးတော်ဆောင်တဦးက သျှမ်းသံတော်ဆင့်သို့ပြောသည်။

သို့သော်အစိုးရကိုယ်စားလှယ်သည် ၀ နှင့် မိုင်းလား ၂ ဖွဲ့ကိုတပြိုင်းတည်းတွေ့ဆုံမည်မဟုတ်ဘဲ ၀ နှင့်တွေ့ပြီးမှ မိုင်းလားထံသွားရောက်တွေ့ဆုံမည်ဖြစ်ကြောင်း ဆိုပါသည်။

၀ နှင့် မိုင်းလားတပ်ဖွဲ့တို့သည် NCA စာချုပ် လမ်းကြောင်းလက်ခံထားသည့် အဖွဲ့များမဟုတ်ဘဲ တခြားနည်းလမ်းဖြင့် နိုင်ငံရေးတိုက်ရိုက်ဆွေးနွေးရန် ဆန္ဒရှိသည်။

၀ တပ်ဖွဲ့ ဦးဆောင်သည့် မြောက်ပိုင်းမဟာမိတ်တပ်ဖွဲ့ဝင် ရ ဖွဲ့အား ကိုယ်စားပြုသည့် FPNCC အနေဖြင့့်သာ အစိုးရနှင့်နိုင်ငံရေးဆွေးနွေးလိုသည်။

UWSA ၀ တပ်ဖွဲ့ ဦးဆောင်သည့် မြောက်ပိုင်းမဟာမိတ်တပ်ဖွဲ့ ရ ဖွဲ့မှာ ကချင် KIA၊ မိုင်းလား NDAA၊ သျှမ်းပြည်တိုးတက်ရေးပါတီ SSPP/SSA ၊ ကိုးကန့် MNDAA၊ ရခိုင် AA နှင့် တအာင်း (ပလောင်) TNLA တို့ဖြစ်ကြသည်။