သျှမ်းပြည် ဟိုပုံးမြို့နယ်တွင် စစ်ကောင်စီ နှင့် ပအိုဝ်းအမျိုးသားလွတ်မြောက်ရေးတပ်မတော်(PNLA) တို့ ထိတွေ့တိုက်ပွဲများဖြစ်ပွဲခဲ့ကြောင်း စုံစမ်းသိရသည်။

သျှမ်းပြည် ဟိုပုံးမြို့နယ် မဲနယ်တောင်ဒေသတွင် ယမန်နေ့ (ဖေဖော်ဝါရီလ ၂၀) ရက် စစ်ကောင်စီနှင့် PNO ပြည်သူ့စစ်တို့ လက်နက်ကြီး၊လေကြောင်းများ အသုံးပြုကာ PNLA စစ်ကြောင်းကို တိုက်ခိုက်ခဲ့သည်။

ထို့အပြင် ယမန်နေ့ နံနက် ၁၁ နာရီမှ ညနေ ၅ နာရီအထိ ထိတွေ့တိုက်ပွဲများဖြစ်ပွားခဲ့ပြီး ပြည်သူ့စစ်အလောင်း ၅ လောင်းနှင့် လက်နက်ကြီးကြောင့် ကျောက္ကဆျာႏကျေးရွာရှိ ပြည်သူနေအိမ်များ ၁၀ လုံးခန့် ထိခိုက်ပျက်စီးမှုရှိကြောင် PNLA မှ ထုတ်ပြန်ထား သည်။

“မနေ့က PNO တွေထိခိုက်တာတွေရှိတယ်။ဆေးရုံပို့တာတွေ လည်းရှိတယ်။စငေါဝ်းရွာတွေမှာလည်း ပြည်သူတွေ လက်နက်ကြီးကြောင့် ထိခိုက်တာ သေတာတွေလဲ ရှိတယ်သေချာမသိဘူးပြေးကုန်ပြီလေ။ မနေ့ကလဲတနေကုန် ပစ်သံတွေကြားနေရတယ်လေ ညတွေလဲ အသံတွေကြားနေရတာ။”ဟု အသက် ၄၀ ခန့်‌ အမျိုးသာတစ်ဦးက ပြောသည်။

ဆက်လက်ပြီး ယမန်နေ့တွင် စစ်ကောင်စီမှ လေယာဉ်ကြောင်းဖြင့် ပစ်ခတ်မှုများ၊ ဒရုန်းများနှင့်လည်း ပြန်ဝဲမှုများ ပြုလုပ်ခဲ့ပြီး ဟိုပုံးမြို့နယ်ရှိ ကျောက္ကဆျာႏကျေးရွာ၊ပုံးအယ်ရွာနှင့် စသည့် ကျေးရွာများရှိ ပြည်သူဒေသခံများ စိုးရိမ်ကြောင့်လန့်ကာ တောင်ကြီးမြို့၊ဟိုပုံးမြို့တို့တွင် ထွက်ပြေး တိမ်ရှောင်နေကြရကြောင်း သိရသည်။

“ထွက်ပြေးနေတာ ၅ ရွာထပ်မနည်းဘူး။မနေ့က ပြေးကြတာပေါ့။ရွာထဲကို လက်နတ်ကြီးကြတယ်လေ။ ရွာနားမှာလဲ PNLA တွေရှိတယ်တော့ ရွာသားတွေလဲပြေးတာပေါ့။မနေ့က ပုံးအယ်နဲ့ ကျောက္ကဆျာႏရွာတွေ တိုက်ပွဲတွေဖြစ်နေတာပေါ့ သေနတ်သံတွေကြားနေရတယ်လေ။ရွာထဲကပြေးနေတာလည်း လူတောင် သိမ်မရှိတော့ဘူး။ကားရှိတဲ့လူကလည်း မြို့မှာရှိတဲ့ အမျိုးအိမ်တွေမှာ သွားထားကြပြီး။”ဟု အသက် ၄၀ ခန့်‌ အမျိုးသာတစ်ဦးက ပြောသည်။

စစ်ကောင်စီနှင့် PNO ပြည်သူ့စစ် တို့သည် ဟိုပုံးမြို့အနီးရှိ ထမ်စမ်းဂူအနီးတွင် လက်နက်ကြီး ၅၇ ကြိမ်ပစ်ခတ်ခဲ့ကြောင်း PNLA ထုတ်ပြန်ထားသည်။

ပြီးခဲ့သည့် ယမန်နေ့ (ဖေဖော်ဝါရီလ ၂၀) ရက်တွင် PNLA ထိန်းချုပ်ထားသည့် ဆီဆိုင်မြို့ ပြန်ရရေး မိုင်းဆတ်မြို့ အခြေစိုက် စကခ (၁၄) လက်အောက်ခံ ခလရ (၄၉) နှင့် ခလရ (၂၇၇) တပ်များ ရွှေညောင်မြို့ရှိ ထောက်ပို့တပ်တွင် စစ်လက်နက် ပစ္စည်းများ ထုတ်ယူပြီး အသင့်စောင့်ဆိုင်းနေသည်။

ထို့အပြင် ဟိုပုံး၊ ဆီဆိုင် ထိုးစစ် အတွက် သျှမ်းတောင်နှင့် သျှမ်းအရှေ့ရှိ ၀မ်ဆင်း ခလရ (၂၈၇)၊ နောင်ဝိုး ခလရ (၂၉၂)၊ တာဆန်း ခလရ (၂၉၄)၊ တာကော် ခလရ (၂၉၆)၊ ကျိုင်းခမ်း ခမရ (၅၁၀)၊ မိုင်းကိုင် ခလရ (၅၁၄) တပ်များ စုဖွဲ့ ပြင်ဆင်နေသည်ဟု စစ်ရေး သတင်းအရင်းမြစ်က ပြောသည်။

မြို့တွင်း တိုက်ပွဲအတွင်း စစ်ကောင်စီတပ်နှင့် PNO ပြည်သူ့စစ် တပ်သား အများအပြား သေဆုံးပြီး အလောင်းအများအပြား ကျန်ခဲ့၍ ကောင်းမွန်စွာ သင်္ဂြိုဟ်ပေးခဲ့ကြောင်း PNLA က ဖေဖော်ဝါရီ ၁၂ ရက်နေ့တွင် ထုတ်ပြန်ထားသည်။