သျှမ်းပြည်တပ်မတော် RCSS/SSA ခေါင်းဆောင် ဗိုလ်ချုပ်ကြီးယွက်စစ်ဦးဆောင်သည့်အဖွဲ့ သျှမ်းပြည်မြောက် ပိုင်း မူစယ်မြို့ ရွှေလီမြစ်ဝှမ်းရှိ သျှမ်းဒေသခံများအား နှင့် ပထမ ဆုံးအကြိမ်သွားရောက်ကာ ယနေ့တွေ့ဆုံကြ သည်ဟု သိရသည်။
နို၀င်ဘာလ ၁ ရက် နေ့ နံနက် ၁၀ နာရီ ၁၂ နာရီထိ ဗိုလ်ချုပ်ကြီးယွက်စစ် နှင့် အဖွဲ့က သျှမ်းပြည်မြောက် ပိုင်းမူစယ်မြို့နယ် မန့်ဟျိုးမြို့နယ်ခွဲ မန့်ဟောင်းတုံကျေးရွာသို့ ရောက်ရှိလာပြီး ရွှေလီ၊ စယ်ဂေါ၀်၊ မူစယ်၊ နမ့်ခမ်း၊ မန့်ဟျိုး ဒေသခံ ရာဂဏန်း နှင့်တွေ့ဆုံခဲ့ခြင်းဖြစ်သည်။
ဒေသခံများအား ဗိုလ်ချုပ်ကြီးယွက်စစ်က နေပြည်တော်ခရီးစဉ်အကြောင်း၊ မြန်မာ့ငြိမ်းချမ်းရေး လုပ်ငန်းစဉ် အကြောင်း၊ NCA စာချုပ်အကြောင်း၊ သျှမ်းပြည်ညီညွတ်ရေးအကြောင်း၊ မူးယစ်ဆေးဝါးတိုက်ဖျက် ရေးအ ကြောင်း၊ ဖွံ့ဖြိုးရေးလုပ်ငန်းစဉ်များ အကြောင်းတို့ကို ရှင်းလင်းပြောပြခဲ့ သည်ဟုသိရသည်။
စဝ်ယွက်စစ်လာမယ့်အကြောင်း ကြိုမသိဘူး။ တဆင့်စကားတဆင့်နားနဲ့သာကြားရပြီးသွားစောင့်တာ ။ နောက် ကျ မှသိတဲ့လူတွေ လာနားထောင်ချင်တယ်၊ လာတွေ့ချင်ကြတယ် ဒါပေမယ့် မမှီလိုက်ဘူး။ နမ့်ခမ်းဘက်က၊ မူစယ်ဘက်က လာကြတယ်လေ။ မမှီလိုက်ဘူးအများကြီးဘဲ- ဟု ဒေသခံ စိုင်းအိုက်ခမ်းပေါင်းကပြောသည်။
NCA လက်မှတ်ရေးထိုးခြင်း ၂ နှစ်ပြည့်အခမ်းအနားသို့ ဗိုလ်ချုပ်ကြီးယွက်စစ် နှင့်အဖွဲ့ တက်ရောက်ပြီး နောက် အောက်တိုဘာ ၁၇ ရက်နေ့တွင် သျှမ်းပြည်တောင်ပိုင်း ဒေသခံပြည်သူလူထုနှင့်တွေ့ဆုံခဲ့ပါသေးသည် ။
