သျှမ်းတောင်၊ ဟိုပုံးမြို့နယ် ကျောက္ကဆျားကျေးရွာတွင် စစ်ကောင်စီမှ ဒရုန်းဖြင့်တိုက်ခိုက်သဖြင့် ရွာသားတစ်ဦးသေဆုံးပြီး ၃ဦးဒဏ်ရာရရှိိကြောင်း စုံစမ်းသိရသည်။
ဖေဖော်ဝါရီလ ၁၅ရက်တွင် ဟိုပုံးမြို့နယ် ကျောက္ကဆျားကျေးရွာကို စစ်ကောင်စီတပ်မှ ဒရုန်ဖြင့် ပစ်သဖြင့် ရွာသားများဝိုင်းဖွဲ့ထိုင်နေစဥ် ရွာသားတစ်ဦး သေဆုံးပြီး ၃ ဦး ဒဏ်ရာရရှိခဲ့ကြောင်း စုံစမ်းသိရှိရပါသည်။
“ရွာသားတွေက ထိုင်ပြီး စကားပြောနေကြတာ။ စစ်တပ်က ဒရုန်းနဲ့ကြည့်ပြီးတော့ PNLA တပ်သားတွေထင်ပြီး ဒရုန်းနဲ့ဗုံးကျဲတယ်။ အဲမှာ သေပြီး ဒဏ်ရာ ရကုန်တာပဲ။”ဟုဒေသခံတစ်ဦးကဆိုသည်။
ကျောက္ကဆျား ဒေသခံ သုံးပုံ နှစ်ပုံသည် လက်ရှိမှာ ကျေးရွာအတွင်း ထွက်မရဘဲ ပိတ်မိနေသေးကြောင်းနှင့် ကျေးရွာကော်မတီနှင့် ရွာလူကြီးက ပေးမထွက်ခိုင်းတာကြောင့် ရွာတွင်ပိတ်မိနေကြောင်း ဒေသခံတစ်ဦးမှဆိုသည်။
“တချို့က ကြိုရှောင်ထားကြတယ်။ တချို့ကလဲ ပိတ်မိနေကြတယ်။ အခုကတိုက်ပွဲတွေပြင်းထန်နေတယ်။ PNLAတပ်သားတွေလဲ ရွာထဲမှာ စစ်ကောင်စီတပ်က ရွာပြင်မာ တပ်စွဲထားပြီး တိုက်နေကြတယ်။”ဟု ၄င်း အမျိုးသားမှဆိုသည်။
လက်ရှိကာလတွင် မဲနယ်တောင်ဒေသမှာ ဒေသခံအများပြားစစ်ရှောင်နေရပြီး နေရာထိုင်ခင်းနှင့် စားနပ်ရိက္ခာအတွက် အကူညီများစွာလိုအပ်နေကြောင်းသိရှိရပါသည်။
