ထိုင်းနိုင်ငံသံရုံးတွင် ဗီဇာလျှောက်ထားခြင်းများနှင့် ပတ်သက်၍ တစ်ရက်လျှင် လူဦးရေ ၄၀၀ သာ လက်ခံတော့မည်ဖြစ်ကြောင်း ဖေဖော်ဝါရီ ၁၄ ရက်တွင် ထုတ်ပြန်ခဲ့သည်။

ထို့ထုတ်ပြန်ချက်ထဲတွင် ဗီဇာလျှောက်ရန် တန်းစီရသည့် စနစ်ကိုကျင့်သုံးမည်ဖြစ်ပြီး တိုကင်နံပါကို ရုံးဖွင့်ချိန်မတိုင်မှီ နံနက် ၈း၃၀ မြန်မာစံတော်ချိန် မှ စတင်ကာ ဗီဇာလာလျှောက်မည့်သူများကို ပေးဝေးမည်ဖြစ်ပြီး၊ တာဝန်ရှိသူများမှ ပတ်စပို့စ်နှင့် သေချာစစ်ဆေးပြီး မှန်ကန်မှသာ ဗီဇာလျှောက်မည့်လူကိုယ်တိုင် တိုကင်ယူပြီး နာမည်စာရင်း ရေးမှတ်ရမည် ဖြစ်ကြောင်း သိရသည်။

အဆိုပါတိုကင်နံပါတ်ကို တစ်ခြားသူထံ လွှဲပြောင်းခြင်း ပြုလုပ်နိုင်မည်မဟုတ်ကြောင်း၊ တိုကင်နံပါတစ်ခုသည် လျှောက်မည့်လူတစ်ဦးအတွက်သာ အသုံးဝင်ကြောင်းသိရသည်။

တိုကင်နံပါတ်ကို အလွဲသုံးစားလုပ်ခြင်း၊ တိုကင်အတုအပ ပြုလုပ်သည်ကို တွေရှိလျှင် ဗီဇာလျှောက်ခွင့်ပိတ်ပြီး Blacklist ထဲမှ မှတ်တမ်းထင်ထားမည်ဖြစ်ကြောင်း သိရသည်။

ဗီဇာလျှောက်လွှာအား ရုံးဖွင့်ချိန် နံနက် ၉ နာရီ မှစတင်ပြီး လက်ခံသွားမည်ဖြစ်ပြီး လျှောက်လွှာမတင်ခင် လျှောက်လွှာတင်မည့်သူနှင့် တိုကင်နာမည်စာရင်းပေးထားသူ၏ ပတ်စပို့စ်နှင့် ကိုက်ညီမှရှိမရှိ စစ်ဆေးပီးမှသာ ဗီဇာလျှောက် လွှာများအားလက်ခံသွားမည်ဖြစ်ကြောင်း ထုတ်ပြန်ထားသည်။

ဗီဇာကောင်တာတွင် လျှောက်ပြီးသော တိုကင်နံပါတ်များကို ဗီဇာကောင်တာဝန်ရှိသူများထံ ပြန်ပေးရမည် ဖြစ်ကြောင်း၊ ဗီလျှောက်ထားရာတွင် လိုအပ်သော အချက်များကို ထုန်ပြန်ချက်ထဲတွင် QR code တွင် scan ဖတ်၍စစ်ဆေးနိုင်ရန်ထည့်သွင်းထားသည်။

စာရွက်စာတမ်းအချက်အလက်များ ပြည့်စုံမှုမရှိလျှင် လျှောက်လွှာများအားလက်ခံမည်းမဟုတ်ကြောင်း၊ တိုကင်နံပါတ်များအားပျောက်ဆုံး၊ပျက်စီးလျှင် ထိုင်းသံရုံးမှ ဗီဇာလျှောက်လွှာများကို လက်ခံမည် မဟုတ်ကြောင်း ပြောဆိုထားသည်။

” လူတွေကတော်တော်များတယ်။ သံရုံးရှိတဲ့ မနော်ဟရီလမ်းကနေ တော်ဝင်လမ်းတလျောက် အပြည့်ပါပဲ။ ပြည်ထောင်စုရိပ်သာလမ်းအထိပဲ” ဟု ရန်ကုန်မြို့ဒေသခံ တစ်ဦးက သျှမ်းသံတော်ဆင့်က ပြောသည်။

ပြီးခဲ့သည့် (ဖေဖော်ဝါရီလ ၁၀ )တွင် စစ်ရေးအဖက်ဖက် ရှုံးနိမ့်နေသည့် စစ်ကောင်စီသည် လူအင်အားနည်းပါးလာသည့်အတွက်ကြောင့် အသက်ပြည့်ပြီး နိုင်ငံသားတိုင်း မဖြစ်မနေ စစ်မှုထမ်းရမည့် ပြည်သူ့စစ်မှုထမ်းဉပဒေကို စတင်ကျင့်သုံး တော့မည်ဖြစ်ကြောင်း ကြေညာခဲ့သည်။

ပြည်သူ့စစ်မှုထမ်း ဆင့်ခေါ်ရေး ဗဟိုအဖွဲ့ကိုတော့ ပြည်နယ်နှင့်တိုင်း၊ ခရိုင်နှင့် မြို့နယ်အဆင့်အထိ ဖွဲ့စည်းပြီး ထိုအဖွဲ့မှတစ်ဆင့် စစ်မှုထမ်းရန် ဆင့်ခေါ်မည်ဖြစ်သည်။

ပြီးခဲ့သည့်(ဖေဖော်ဝါရီ ၁၃)ရက်တွင် ပြည်သူ့စစ်မှုထမ်းဆင့်ခေါ်ရေး ဗဟိုအဖွဲ့ကို ကာကွယ်ရေးဝန်ကြီး ဦးဆောင်မှုဖြင့် စတင်ဖွဲ့စည်းလိုက်ကြောင်း ထုတ်ပြန်ကြေညာလိုက်သည်။

ယမန်နေ့ ဖေဖော်ဝါရီ ၁၄ ရက်တွင် တိုင်းဒေသကြီး သို့မဟုတ် ပြည်နယ် ပြည်သူ့စစ်ထမ်းဆင့်ခေါ်ရေးအဖွဲ့ ဖွဲ့စည်းပြီးခဲ့ကေကြာင်း ထုတ်ပြန်ခဲ့သည်။