Saturday, July 13, 2024

ရွှေဆိုင်ဓားပြတိုက်ခံရ ဆိုင်ရှင် အမျိုးသားသေနတ်ပစ်ခံရပြီး သေဆုံး

Must read

သျှမ်းပြည် တန့်ယန်းမြို့ “သစ္စာ” ရွှေဆိုင်ကို အမျိုးသားတစ်ဦးက သေနတ်ဖြင့်ဝင်‌ရောက်ပစ်ခတ် ဓားပြတိုက်ခဲ့ပြီး ဆိုင်ရှင် အမျိုးသား သေဆုံးသွားကြောင်း သိရသည်။

တန့်ယန်းမြို့

တန့်ယန်းမြို့ ရပ်ကွက် ၄ ရှိ သစ္စာ ရွှေဆိုင်ကို ယနေ့ (ဖေဖော်ဝါရီ ၁၃ ရက်) နံနက် ၁၀နာရီခွဲဝန်းကျင်တွင် အမျိုးသားတစ်ဦး သေနတ်ဖြင့် ပစ်ခတ် ဓားပြတိုက်ခဲ့ပြီး ဆိုင်ရှင်အမျိုးသား သေဆုံးခဲ့ကြောင်း ဒေသခံအမျိုးသမီးတစ်ဦးက သျှမ်းသံတော်ဆင့်ကိုပြောသည်။

“ဓားပြလာတိုက်တဲ့လူက သေနတ်လည်းပါတယ်။ ဈေးရောင်းတဲ့သူ ကို တစ်ချက်ပဲပစ်လိုက်တာ။ ဆေးရုံကိုသွားပို့တာ မကြာဘူး ခဏလေးကပဲ ဈေးရောင်းတဲ့ဦးလေးကြီးကဆုံးသွားတာ။ ဘယ်လောက်ပါသွားလည်းဆိုတာတော့ မသိရသေးဘူး ”ဟု တန့်ယန်းဒေသခံအမျိုးသမီးတစ်ဦးက ပြောသည်။

သေဆုံးသွားသည့် ရွှေဆိုင် အမျိုးသားသည် အသက် ၅၀ ဝန်းကျင်သည် ဦးကျော်ဦးဖြစ်ကြောင်း သိရသည်။

ပြီးခဲ့သည့် (ဇန်နဝါရီလ ၈ ရက်) တွက်လည်း ပင်လုံမြို့ ဈေးအနောက်ဘက်တွင် ဖွင့်လှစ်ထားသော “မခင်ဦး” ရွှေဆိုင်ကို အမည်မသိ အမျိုးသားတစ်ဦးက သေနတ်ပြ ခြိမ်းခြောက်ပြီး လက်စွပ်နှင့်ရွှေဆွဲကြိုး ၃ ကျပ်သားကျော်ကို ဓားပြတိုက်လုယူခဲ့သည်။

Leave a Comments

- Advertisement -spot_img

Latest article