ရှေ့တန်းသွားရန် ငြင်းဆန်ခဲ့သည့် ဆေးဖြတ်ရန်လာသူ (၁၂) ဦးကို စစ်ကောင်စီက ပစ်သတ်လိုက်ပြီး ရွာသားများကို မြုပ်နှံခိုင်းခဲ့ကြောင်း ဒေသခံတစ်ဦးထံမှ သတင်းသိရသည်။
သျှမ်းတောင်၊ ဆီဆိုင်မြို့နယ် အနောက်ဖက် အောင်ဆုဗွေစခန်းတွင် ဆေးဖြတ်ရန်လာသည့် အသက် ၃၀ ဝန်းကျင် လူငယ်များကို စစ်ကောင်စီ တပ်ဖွဲ့ဝင်များက ရှေ့တန်းသို့ စစ်မှုထမ်းရန် ခိုင်းစေရာတွင် ငြင်းဆန်ခဲ့မှုကြောင့် လူငယ် ၁၂ ဦးကို ဖေဖော်ဝါရီလ ၄ ရက်တွင် ပစ်သတ်ခဲ့ကြောင်း စုံစမ်းသိရှိရပါသည်။
” သူတို့က ပိုက်ဆံပေးပြီး မြုပ်ခိုင်းတာ။ ဒေသခံတွေကိုတော့ တစ်ယောက် နှစ်သိန်းခွဲ ပေးတယ်။ ကျေးရွာတွေရဲ့ သုဿန်မှာပဲ မြုပ်ခိုင်းခဲ့တာ။အဲဒါက မွေတော်ကက္ကူ နားက ရွာတွေမှာပေါ့”ဟု ဒေသခံ ပြည်သူတစ်ဦးကပြောသည်။
ထိုသို့ ပစ်သတ်ခဲ့သည်မှာ တခြားသူများ မငြင်းဆန်နိုင်အောင် ခြောက်လှန့်တာဖြစ်ပြီး အခြားပြည်သူများကိုလည်း အတင်းအဓမ္မ စေခိုင်းခြင်းများ ပြုလုပ်လာနိုင်ကြောင်း ပြည်သူတစ်ဦးက အခုလိုပြောပါသည်။
” တခြားသူတွေ မငြင်းရဲအောင် သတ်ပြတာ။ ဘယ်လိုဖြစ်ဖြစ် တခြားသူတွေကိုတော့ အတင်းကျပ် ရှေ့တန်းပို့အုံးမှာပဲ။သူတို့က ဘယ်သူမှမချန်ဘူး ယုတ်မာကြမာ”လို့ ဒေသခံ ပြည်သူတစ်ဦးကပြောသည်။
လက်ရှိတွင် စစ်ကောင်စီတပ်များက ဆီဆိုင်မြို့ကို လက်နက်ကြီးများဖြင့် ပစ်ခတ်နေမှုကြောင့် ဒေသခံ ပြည်သူအများပြား စစ်ဘေးရှောင်နေရကြောင်းစုံစမ်းသိရှိရပါသည်
Leave a Comments