သျှမ်းပြည်မူဆယ်မြို့ စျေးရပ်ကွက်ရှိ နေအိမ်တစ်ခုတွင် အမည်မသိ အမျိုးသားလေးဦး ဝင်ရောက် ဓားပြ တိုက်ခဲ့ကြောင်း စုံစမ်းသိရသည်။
မူဆယ်မြို့ ဈေးရပ်ကွက်တွင် ယမန်နေ့ (ဖေဖော်ဝါရီ ၆ ရက်) ညနေ ၇ နာရီဝန်းကျင် ကား Crown အဖြူရောင်တစ်စီးဖြင့် အမျိူးသား ၄ ဦးသည် လက်နက်ကိုယ်စီကိုင်ဆောင်ပြီး နေအိမ်ထဲသို့ ဝင်ရောက်လာကာ ဓားပြတိုက်သွားကြောင်း ဒေသခံ အမျိုးသားတစ်ဦးက သျှမ်းသံတော်ဆင့်ကို ပြောသည်။
“အမျိုးသား ၄ယောက်က ဝင်ပြီး ဓားပြတိုက်သွားတာတော့ မီးခံသတ္တာတစ်လုံးနဲ့ ကားတစ်စီးပါသွားတယ်။အဲ့အိမ်က အမျိုးသမီး တစ်ယောက် ကတော့ သေနတ်နဲ့ ရိုက်ခံရပြီး သတိမေ့သွားတယ်။အဲ့မှာကတော့ ကားပေါ်ကနေ ဆင်လာတော့ ၄ ယောက်ပေါ့ ကားပေါ်မှာက တယောက်ဆိုရင် ၅ယောက်ပေါ့”ဟု မူဆယ်မြို့ဒေသခံ အမျိုးသားတစ်ဦက ပြောသည်။
မူဆယ်မြို့သည် မြန်မာ – တရုတ် နယ်စပ် ကုန်သွယ်ရေးမြို့ ဖြစ်သည့်အပြင် လက်နက်ကိုင် အဖွဲ့အစည်းများ နှင့် တရားမဝင် လုပ်ငန်းများ စုံလင်ပေါများသည့် ဒေသဖြစ်သည့်အတွက် ပစ်ခတ်မှု၊ ဓားပြတိုက်မှု နှင့် ပြန်ပေးဆွဲမှုများကလည်း မကြာခဏ ဖြစ်ပွားလေ့ရှိသည်။
ထို့အပြင် လက်ရှိအချိန်ထိ မဟာမိတ် ပူးပေါင်း တပ်ဖွဲ့ နှင့် အာဏာသိမ်း စစ်ကောင်စီ တို့၏ စစ်ရေးတင်းမာမှုများလည်း ရှိနေသေးသည့်အတွက် ပြည်သူများက စစ်ရေး၊ လုံခြုံရေးအတွက် စိုးရိမ်ကြောက်လန့်နေရကြောင်းလည်း သိရသည်။
ပြီးခဲ့သည့် ဖေဖော်ဝါရီလ ၄ ရက်တွင်လည်း မူဆယ်မြို့နယ် ဈေးရပ်ကွက်တွင် အမျိုးသား ၄ ဦး သေနက်များဖြင့် ကုန်စုံဆိုင်ထဲဝင်ကာ ဆိုင်ရှင်အမျိုးသားတစ်ဦးကို ဖမ်းခေါ်သွားပြီး ပြန်ပေးဆွဲခဲ့ကြောင်း သိရသည်။
Leave a Comments