သျှမ်းပြည် မူဆယ်မြို့နယ်တွင် အမျိုးသားတစ်ဦး မြေမြုပ်မိုင်းနင်းမိပြီး ခြေထောက်ပြတ်သွားကြောင်း သိရသည်။
မူဆယ်မြို့နယ်၊စယ်လန့်ကျေးရွာ၊နောင်မိုရွာ သင်္ချိုင်းကုန်အနီးတွင် အမျိုးသားတစ်ဦး တံမြတ်စည်းပင် သွားခုတ်ရာမှ မိုင်းနင်းမိကာ ခြေထောက်ပြတ်သည်အထိ ဒဏ်ရာရရှိခဲ့ကြောင်း ဒေသခံအမျိုးသားတစ်ဦးက သျှမ်းသံတော်ဆင့်ကိုပြောသည်။
“သူအိမ်အပြန်လမ်းမှာ မိုင်းနင်းမိတာ။မနေ့ညနေ ၅ နာရီလောက်က ဖြစ်သွားတာ”ဟု အသက် ၃၀ ဒေသခံ အမျိုးသားတစ်ဦးက ပြောသည်။
ပြီးခဲ့သည့် ဇန်ဝါရီလ ၁၄ ရက် မူဆယ်မြို့နယ် မန့်မိုင်ကျေးရွာအုပ်စုနှင့်စွမ်စော်ရပ်ကွက်တို့တွင်လည်း အမျိုးသားနှစ်ဦး မြေမြုပ်နင်းမိခဲ့ပြီး ခြေထောက် ပြတ်သည်အထိ ပြင်းထန်ဒဏ်ရာ ရှိခဲ့သည်။
မြေမြုပ်မိုင်းနင်းသူများသည် လမ်မပေါ်၊ ခြံဝန်းနှင့် စစ်တပ်စခန်းအနီးသို့ ဖြတ်လျှောက်သွားလာခြင်းကြောင့် မိုင်းနင်းမိခြင်း ဖြစ်သည်။
မူဆယ်မြို့နယ် ဇန်နဝါရီလအတွင်းတွင် မြေမြုင်မိုင်းနင်းမိသူ စုစုပေါင်း ၇ ဦး ထိရှိခဲ့ပြီး ဒဏ်ရာပြင်းအထန်ရရှိခဲ့ကြောင်း သိရသည်။
စစ်တပ်အာဏာသိမ်းပြီးနောက်ပိုင်း မြန်မာတစ်ဝှမ်း နေပြည်တော်မှလွဲ၍ တိုင်းနှင့်ပြည်နယ် အသီးသီးတွင် မြေမြုပ်မိုင်းနှင့် ပေါက်ကွဲတတ်သော စစ်အကြွင်းအကျန် ထိခိုက်ဒဏ်ရာရသူ သိသိသာသာတိုးလာနေပြီး မြို့နယ်ပေါင်းတစ်ဝက်ကျော်တွင် မြေမြုပ်မိုင်းအန္တရာယ် ကျရောက်နေပြီဖြစ်ကြောင်း မြေမြုပ်မိုင်း စောင့်ကြည့်လေ့လာအဖွဲ့ Landmine & Cluster Munition Monitor မှ ပြောဆိုထားသည်။
Leave a Comments