ကရင်နီပြည် လွိုင်ကော်မြို့ပေါ်ကို စစ်ကောင်စီမှ ဒရုန်းဖြင့် မီးလောင်း ဗုံးကြဲခဲ့သဖြင့် စျေးနှင့် ရပ်ကွက်ရှိ လူနေအိမ်များ မီးလောင်ပျက်စီးခဲ့ကြောင်း စုံစမ်းသိရသည်။
ကရင်နီပြည် လွိုင်ကော်မြို့ပေါ် ဈေးပိုင်းရပ်ကွက်ရှိ လွိုင်ကော်မြို(၂)ထပ်စျေးတဝှိက် နှင့် ပြည်သူပိုင်နေအိမ်များကို ယနေ့ (ဇန်နဝါရီလ ၂၆) ရက် နေ့လည်း ၁ နာရီ ဝန်းကျင်တွင် မီးလောင်ဗုံးဖြင့် ကြဲချတိုက်ခိုက်ခဲ့ကြောင်း JOBS From Kayah ကနေထုတ်ပြန်ထားပါသည်။
“လွိုင်ကော်နှစ်ထပ်ဈေး မပေါ်ထပ်ကပရိဘောကတွေ၊ဆောင်တွေ၊အလှပြင်ပစ္စည်းတွေ၊အိမ်သုံးပစ္စည်း တွေလေ၊အောက်မှာတော့ ဆိုင်ခန်းတွေပေါ့ သံပစ္စည်းတွေဘာညာပေါ်နော်။ရွှေဆိုင်တွေ၊ဆေးဆိုင်တွေပေါ့ ဘေးတွေနားတွေကြတော့ ဟိုတယ်တွေရှိတယ်လေ အကုန်လုံးမီးလောင်နေတဲ့ ဟာတွေက လောင်နေပါပြီး”ဟု ဒေသခံ အမျိုးသမီးတစ်ဦးက ပြောသည်။
“၁၁.၁၁”စစ်ဆင်ရေးအတွင်း စစ်ကောင်စီမှ လွိုင်ကော်မြို့နယ်ကို လက်နက်ကြီး၊ဒရုန်း၊လေယာဉ် အသုံးပြုပစ်ခတ်မှုများကြောင့် ရပ်ကွက်ရှိလူနေအိမ်များ ဈေများ ၁၀ ရာခိုင်နှုန်းထက်မနည်း ပျက်စီးမှုရှိကြောင်း သိရသည်။
