Saturday, July 13, 2024

စစ်ကောင်စီတပ်ရင်းလိုက် ဘက်ပြောင်းရန် ညှိနှိုင်းနေဟု KNDF ထုတ်ပြန်

Must read

စစ်ကောင်စီတပ်ရင်းများ ပြည်သူ့ဘက် ကူးပြောင်းရန် ညှိနှိုင်းမှုများ ရှိနေပြီး မကြာမီ တပ်ရင်းလိုက် ဘက်ပြောင်းမှုများ ဖြစ်လာဖွယ် ရှိသည်ဟု ကရင်နီ အမျိုးသားများ ကာကွယ်ရေးတပ်မတော်- KNDF က ယနေ့ (ဇန်နဝါရီ ၂၄) တွင် ထုတ်ပြန်သည်။

KNDF

“ကရင်နီပြည်နယ်အတွင်း တစ်ပြိုင်တည်း စုပေါင်းဘက်ပြောင်းမှု အစီအစဥ်တစ်ရပ်အား အကောင်အထည်ဖော်ဆောင်လျက် ရှိရာ ကရင်နီပြည်အတွင်းရှိ စစ်ကောင်စီတပ်ရင်း အချို့မှ တာဝန်ရှိသူများနှင့် ဘက်ပြောင်းရေးနှင့်စပ်လျဥ်း၍ ကနဦး ညှိနှိုင်းသဘောတူမှု များ ရရှိထားပြီးဖြစ်ပါသည်။ သို့ဖြင့်၍ မကြာမီတွင် တပ်ရင်းအလိုက်ဘက်ပြောင်းမှုများကို ကရင်နီပြည် မြို့နယ်အချို့တွင် အကောင် အထည်ဖော် ဆောင်ရွက်မည်ဖြစ်ပါသည်” ဟု ထုတ်ပြန်ချက်တွင် ဖော်ပြသည်။

၂၀၂၁ ခုနှစ် နှစ်လယ် နောက်ပိုင်း တပ်မ (၆၆)၊ တပ်မ (၅၅) လက်အောက်ရှိ စစ်ကောင်စီတပ်ရင်းများတပ်ရင်းအလိုက် ထိခိုက် ကျဆုံးမှုများသဖြင့် တပ်မများ ဖွဲ့စည်းပုံပျက်ကာ အင်အား ချိနဲ့နေပြီဟု ထုတ်ပြန်ချက်ကဆိုသည်။

ထို့အပြင် ၁၁.၁၁ စစ်ဆင်ရေးအတွင်း ထပ်မံခြေမှုန်းခံရကာ အများအပြား သေဆုံးပြီး လက်နက်ချ အညံ့ခံသူများနှင့် ဖမ်းဆီးရမိသူ ရာဂဏန်း နီးပါးရှိခဲ့သည်ဟု KNDF က ပြောသည်။

တိုက်ပွဲနယ်မြေများအတွင်း လက်နက်ချ အညံ့ခံသူများကို စစ်သုံ့ပမ်းအဖြစ် နိုင်ငံတကာ ဥပဒေများနှင့်အညီ ကောင်းမွန်စွာ ဖမ်းဆီးထိန်းသိမ်းထားလျက်ရှိသည်ဟုဆိုသည်။

သို့ဖြစ်၍ ကရင်နီပြည်နယ်အတွင်း နှစ်ရှည်လများ မှီတင်းနေထိုင်ခဲ့သည်များကို ထောက်ထားကာ ကရင်နီပြည်သူများနှင့် အတူရပ်တည်ပြီး အာဏာရှင်အားဆန့်ကျင်ရန်နှင့် တပ်ရင်းအလိုက်၊ မိသားစုများအလိုက် ကရင်နီပြည်သူ့ဘက်သို့ ဘက်ပြောင်းရန် KNDF က တိုက်တွန်းထားသည်။

မိသားစုများအလိုက် ဖြစ်စေ တပ်ရင်းအလိုက် ဘက်ပြောင်းလာသူများကို တော်လှန်ရေးတပ်ဖွဲ့များနှင့် အုပ်ချုပ်ရေးအဖွဲ့များမှ လှိုက်လှဲစွာကြိုဆိုပြီး ဘက်ပြောင်းရေးအစီအမံအတိုင်း အထူးအကျိုး ခံစားခွင့်များကို စီမံဆောင်ရွက် ပေးမည်ဟု ထုတ်ပြန်ချက်တွင် ဖော်​ြပသည်။

လက်ရှိ KNDF အပါအဝင်ဂတော်လှန်ရေးတပ်ပေါင်းစု အနေဖြင့် လွိုင်ကော်နှင့် ဖယ်ခုံမြို့ကို ဝန်းရံ တိုက်ခိုက်လျက်ရှိနေပြီး ရလဒ်ကောင်းများ ရရှိနေသည်စု စစ်ရေးသတင်းရင်းမြစ်က ပြောဆိုထားသည်။

Leave a Comments

- Advertisement -spot_img

Latest article