စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင် အနေဖြင့် တပ်ချုပ်ရာထူးမှ နုတ်ထွက်ပြီး ဒုတပ်ချုပ်ကို တပ်ချုပ် ရာထူးပေး အပ်ရန်ပြင်ဦးလွင်မြို့တွင် ပြုလုပ်သည့် စစ်တပ်ထောက်ခံပွဲ၌ တောင်းဆိုခဲ့သည့် မဘသ ဘုန်းကြီး ပေါက်ကိုယ်တော် ယနေ့ (ဇန်နဝါရီ ၁၉ရက် )နေ့လည်ပိုင်းတွင် ဖမ်းဆီးခံလိုက်ရသည်ဟု သတင်းရသည်။
ဖေဖော်ဝါရီလ ၁၇ ရက်တွင် ပြုလုပ်ခဲ့သည့် အဆိုပါပွဲတွင် ပေါက်ကိုယ်တော်နှင့် စစ်တပ်ထောက်ခံသူများက ဗိုလ်ချုပ်မှူးကြီးမင်းအောင်လှိုင်ကို ဘုရားဒါယကာဟု သုံးနှုန်းခဲ့သည်။
ပေါက် ကိုယ်တော်အား ဖမ်းဆီးမှုနှင့် ပတ်သက်၍ ယနေ့ ညနေ ၃ နာရီနောက်ဆုံးထားပြီး ပြန်လွှတ်ပေးရန် မဘသ မျာက စစ်တပ်ကို ရာဇသံပေးသည့်ပိုစ့် လူမှုကွန်ရက်တွင် တင်ထားခဲ့ပြီးနောက် ညနေ ၃ နာရီတွင် ပိုစ့်ကို ပြန်ဖျက်သွားခဲ့သည်။
မဘသ နှင့် နီးစပ်သည့် သတင်းရင်းမြစ်က ပေါက်ကိုယ်တော် ဖမ်းဆီးခံရမှုကို အတည်ပြုသော်လည်းဂမကြာမီ ပြန်လွှတ်ပေးမည်ဟု မှတ်ချက်ပြုထားသည်။
