သျှမ်းပြည် လောက်ကိုင်ဒေသ တိုက်ပွဲများ အတွင်း စစ်ကောင်စီတပ် စခန်းများမှ သိမ်းဆည်း ရမိထားသည့် လက်နက် ခဲယမ်းများကို စနစ်တကျ ပြန်အသုံးချရန် ကိုးကန့် ခေါင်းဆောင် မှာကြားနေသည့် ရုပ်သံကို ယနေ့ (ဇန်နဝါရီ ၁၈ ရက်) တွင်တရုတ် လူမှုကွန်ရက်များတွင် ဖော်ပြထားသည်။
လောက်ကိုင်ဒေသကို စိုးမိုးထားသည့် တောင်ကုန်းရှိ စစ်ကောင်စီ စခန်းတခုကို ကိုးကန့် ခေါင်းဆောင် ဖုန်တဲရင် သွားရောက် စစ်ဆေးစဉ် ယင်းသို့ မှာကြားခဲ့ခြင်း ဖြစ်သည်။
“စစ်ကောင်စီ ထံကသိမ်းဆည်းရမိထားတဲ့ လက်နက်တွေ စနစ်တကျ ပြန်အသုံးချဖို့ မှာကြားတာပါ” သျှမ်းမြောက် တိုက်ပွဲများကို လေ့လာနေသူ တစ်ဦးက ရုပ်သံဖိုင်နှင့် ပတ်သက်၍ ရှင်းပြသည်။
လက်ရှိ MNDDA သိမ်းပိုက် ထိန်းချုပ်ထားသည့် လောက်ကိုင်မြို့တွင် ပြည်သူ အချို့ ပြန်လည်နေထိုင်နေပြီး ဈေးဆိုင် အချို့ ပြန်လည်ဖွင့်လှစ်ထားကာ ကိုးကန့်ဒေသ အုပ်ချုပ်ရေးအဖွဲ့သစ်က လျှပ်စစ် အပါအဝင် စစ်ပွဲအတွင်း ပျက်စီးခဲ့သည့် အခြေခံ အဆောက်အအုံများ ပြန်လည် ပြင်ဆင်နေကြောင်း ဒေသခံ တစ်ဦးက ပြောသည်။
Leave a Comments