သျှမ်းပြည် တာချီလိတ်မြို့နယ်တွင် တာချီလိတ် – ကျိုင်းတုံ ပြည်ထောင်စုလမ်းကြီးပေါ်ရှိ တာလေတံတား အက်နေ့သဖြင့် ကားလမ်းခေတ္တပိတ်ထားကြောင်း စုံစမ်းသိရသည်။
သျှမ်းပြည် တာချီလိတ်မြို့နယ် တာချီလိတ် – ကျိုင်းတုံ ပြည်ထောင်စုလမ်းမကြီးပေါ်ရှိ တာလေမြို့ တာလေ တံတား အက်နေသဖြင့် ယနေ့ (ဇန်နဝါရီလ ၁၈) ရက် နေ့လည် ၁၂ နာရီဝန်းကျင်တွင် ကားလမ်းများကို ယာယီ ပိတ်သွားမည်ဖြစ်ပြီးဖြစ်ကြောင်း ဒေသခံများက သျှမ်းသံတော်ဆင့်ကိုပြောသည်။
“ခဏကတော့ ကားအသေးတွေကို ပေးသွားတယ်။ခုတော့ အကုန်ပိတ်ကုန်ပြီ။တံတား ထပ်ပျက်မှာ ဆိုပြီးပြင်နေတာ။ကျနော်လည်း ပြန်မလို့။လုံးဝကိုပေးမဖြတ်လို့ ပြန်လှည့်ခိုင်းတာ၊ တံအောက်ကလည်း အကုန်အက်နေပြီ။” ဟု တာချီလိတ်-ကျိုင်းတုံ ပြေးဆွဲနေသည့် ကားဆရာတစ်ဦးက သျှမ်းသံတော်ဆင့်ကိုပြောသည်။
လက်ရှိတွင် တာလေတံတားကို တာဝန်ရှိသူများက တံတား၏ အခြေအနေကို စစ်ဆေးလျှက်ရှိနေကြောင်း ဒေသခံများကပြောသည်။
ထိုတာလေတံတား ( ကျောက်စီဂုံးတံတား )ကို ကျိုင်းတုံ နှင့် တာချီလိတ်အကြာ တည်ရှိပြီး ကားသမားများ ကုန်တင်ယာဉ်များအဓိက အသုံးပြုနေရသည့် လမ်းဖြစ်ကြောင်းသိရသည်။
