Sunday, July 21, 2024

ညီနောင်မဟာမိတ်သုံးဖွဲ့နှင့် စစ်ကောင်စီ ပစ်ခတ်တိုက်ခိုက်မှု ရပ်စဲရေးခိုင်မာရန် ဆက်လက် ဆောင်ရွက်သွားမည်ဟုဆို

Must read

တရုတ်နိုင်ငံ ကြားဝင်စေ့စပ်မှုကြောင့် ညီနောင်မဟာမိတ်သုံးဖွဲ့နှင့် စစ်ကောင်စီတို့သည် တရုတ်နိုင်ငံ ကူမင်းမြို့မှာ တွေ့ဆုံဆွေးနွေးပြီး နှစ်ဖက်တပ်ဖွဲ့ ယာယီပစ်ခတ်တိုက်ခိုက်မှု ရပ်စဲရေး သဘောတူညီမှုရရှိခဲ့ကြောင်း သတင်းသိရသည်။

ပြီးခဲ့တဲ့ (ဇန်ဝါရီလ ၁၀ ရက် ၁၁ ရက်)အထိ တရုတ်နိုင်ငံ ကူးမင်းမြို့မှာ တွေ့ဆုံခဲ့ပြီး နှစ်ဖက်တပ်ဖွဲ့ ယာယီပစ်ခတ်တိုက်ခိုက်မှု ရပ်စဲရေး သဘောတူညီမှုရရှိသည့်အပေါ်တွင် ညီနောင်မဟာ မိတ်သုံးဖွဲ့နှင့် ပစ်ခတ်တိုက်ခိုက်မှု ရပ်စဲရေးခိုင်မာရန် ဆက်လက်ဆောင်ရွက်သွားမည်ဟု စစ်ကောင်စီ၏ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက မီဒီယာများကို ဖြေကြားထားသည်။

“ကျနော်တို့တရုတ်နိုင်ငံရဲ့ ညှိနှိုင်းဆောင်ရွက်ပေးမှုနဲ့ ဒီမြောက်ပိုင်းသုံးဖွဲ့နဲ့ မြန်မာနိုင်ငံက ငြိမ်းချမ်းရေးညှိနှိုင်းမှုဆွေးနွေးရေးအဖွဲ့နဲ့ ကူမင်းမြို့မှာ တွေ့ဆုံခဲ့ပါတယ်။ တွေ့ဆုံခဲ့ပြီး နောက်ပိုင်းမှာ ကျနော်တို့ ယာယီပစ်ခတ်တိုက်ခိုက်မှု ရပ်စဲရေး သဘောတူညီချက် ရရှိခဲ့ပါတယ်။ ကျနော်တို့ ဆက်လက်ပြီး ဆွေးနွေးသွားဖို့များရှိပါတယ်။ ဆက်လက်ဆောင်ရွက်မှာ ဖြစ်ပါတယ်။ ပစ်ခတ်တိုက်ခိုက်မှု ရပ်စဲရေး ခိုင်မာဖို့အတွက်လည်း ဆက်လက်ဆောင်ရွက်သွားမှာဖြစ်ပါတယ်” ဟု ဗိုလ်ချုပ်ဇော်မင်းထွန်းက ပြောသည်။

ထို့အတူ နယ်စပ်ဒေသ ကုန်သွယ်ရေးဂိတ်များ ပြန်လည်ဖွင့်လှစ်နိုင်ရန် တရုတ်-မြန်မာ နှစ်နိုင်ငံ ဆက်လက်ညှိနှိုင်းဆောင်ရွက်သွားမည်ဖြစ်ကြောင်း ဆက်ပြောသည်။

လက်ရှိတွင် ညီနောင်မဟာမိတ်သုံးဖွဲ့နှင့် စစ်ကောင်စီတို့သည် ယာယီပစ်ခတ်တိုက်ခိုက်မှု ရပ်စဲရေး သဘောတူညီလိုက်ကြောင်း ပြောဆိုသော်လည်း သျှမ်းမြောက်ဒေသ မြို့နယ်များမှာ တိုက်ပွဲဖြစ်ပွား နေဆဲဖြစ်သည်။

လားရှိုးမြို့ စစ်ဘေးရှောင်တစ်ဦးက “ယာယီဆိုမယုံရသေးဘူး။ ကျမတို့ အိမ်မပြန်ရဲဘူး။ တကယ်ရပ်မှပြန်ရဲမှာ လေယာဉ် ကြောက်တယ်”ဟု သျှမ်းသံတော်ဆင့်ကို ပြောသည်။

ယင်းကဲ့သို့ နှစ်ဖက်တပ်ဖွဲ့သဘောတူညီရရှိပြီးနောက် အငြင်းပွားဖွယ်ရာများနှင့်
လိုလားချက်များ (ပစ်ခတ်မှုများ) ဖြစ်ပေါ်လာခဲ့ပါက တွေ့ဆုံဆွေးနွေး မှုလမ်းစဉ်ဖြင့် ဖြေရှင်းမည်ဟုလည်း တအာင်း(ပလောင်) အမျိုးသားလွတ်မြောက်ရေးတပ်မတော် TNLA က ယနေ့ ဇန်နဝါရီလ ၁၂ ရက် ညပိုင်းမှာ ထုတ်ပြန်လာပါတယ်။

အလားတူ ယနေ့ (ဇန်နဝါရီလ ၁၂ ရက်)တွင် ကျရောက်သည့် ၆၁ နှစ်မြောက် တအာင်းတော်လှန်ရေးနေ့ ဂုဏ်ပြုခိန့်မိန်းထဲ၌ TNLAရဲ့ ဉက္ကဌ ဒုဗိုလ်ချုပ်ကြီး တားအိုက်ဘုန်းက တိုက်ခိုက်သိမ်းပိုက်ထားသည့် မြို့များကို တရားမျှတမှုရှိတဲ့ဉပဒေရေးဆွဲပြီး အုပ်ချုပ်သွားမည်ဆိုပြီး ပြောကြားခဲ့သည်။

“ဒေသခံတိုင်းရင်းသားလူမျိုး မခွဲခြားဘဲ မှန်ကုန်မျှတတဲ့ တရားဉပဒေစနစ်အပေါ် အခြေခံပြီး တရားမျှတမှုရှိတဲ့ ဉပဒေရေးဆွဲ ပြဌာန်းပြီးတော့ လုံခြုံရေးနဲ့ အုပ်ချုပ်ရေးယန္တရားအသစ် စတင်လည်ပတ်နိုင်အောင် လက်တွေ့ပူးပေါင်းသွားမှာဖြစ်တယ်” ဟု ဒုဗိုလ်ချုပ်ကြီး တားအိုက်ဘုန်းက ပြောသည်။

ထို့အပြင် တရုတ်နိုင်ငံခြားဝန်းကြီးဌာန ပြောခွင့်ရပုဂ္ဂိုလ် Mao Ning’s ကလည်း မြန်မာနိုင်ငံဘက် အသီးသီးက အပစ်အခတ်ရပ်စဲမှုကို ထိန်းသိမ်းပြီး ဆွေးနွေးခြင်းဖြင့် ပြဿနာများကို ဖြေရှင်းကာ မြန်မာနိုင်ငံမြောက်ပိုင်း ငြိမ်းချမ်းရေးလုပ်ငန်းစဉ် တိုးတက်စေရေး အတူတကွ ဖော်ဆောင်ရန် မျှော်လင့်ကြောင်း မီဒီယာများကို ဖြေကြားထားသည်။

ညီနောင်မဟာမိတ် (၃) ဖွဲမှ သျှမ်းမြောက်ရှိ စစ်ကောင်စီ၏ စခန်းများ၊ ဗျူဟာကုန်း များအား ထိုးစစ်ဆင်တိုက်ခိုက်မှုများကို စတင်မပြုလုပ်ရန် သဘောတူခဲ့ပြီး စစ်ကောင်စီဘက်မှလည်း ရှမ်းမြောက်ဒေသရှိ မိမိတို၏ ထိန်းချုပ်၊ သိမ်းပိုက်ထားသောနေရာများအားလုံးသို လေကြောင်း၊ လက်နက်ကြီးပစ်ခတ်တိုက်ခိုက်မှု မလုပ်ရန် သဘောတူခဲ့ကြကြောင်းလည်း ရေးသားဖော်ပြထားသည်။

Leave a Comments

- Advertisement -spot_img

Latest article