Thursday, April 18, 2024

ဒီးမော့ဆို အနောက်ခြမ်း စစ်ရှောင်စခန်းအများစုတွင် ရေရှားပါးမှုကြောင့် အရေပြားရောဂါများဖြစ်ပွားနေ

Must read

ဒီးမော့ဆို့ အနောက်ဖက်ခြမ်းရှိ စစ်ရှောင်စခန်း အများစုတွင် ရေရှားပါးမှုကြောင့် အရေပြားရောဂါများ ဖြစ်ပွားနေကြောင်း စစ်ရှောင်ကူညီနေသူတစ်ဦးပြောပြချက်အရသိရသည်။

စစ်ရှောင်ကလေး အရေးပြားရောဂါဖြစ်

ကရင်နီပြည်နယ်၊ ဒီးမော့ဆို့ အနောက်ဖက်ခြမ်းရှိစစ်ရှောင် စခန်းအများစုသည် ဝေးလံခေါင်ဖျားပြီး တောတောင်ထူထပ်သည့် နေရာအများစုတွင် တည်ရှိပြီး ရေရှားပါးမှုပြသာနာကို ရင်ဆိုင်နေကြရကာ သောက်သုံးရေကို အဝီစီတွင်း တူးပြီး သုံးစွဲနေကြရသည်။

သဘာဝ ချောင်းရေများလည်း ခမ်းခြောက်ကုန်ပြီး မသန့်ရှင်းသည့်ရေကို သုံးစွဲနေရသောကြောင်း အရေပြားရောဂါ ဖြစ်ပွားနေကြသည်။

ထိုသို့ မသန့်ရှင်းသည့်ရေကို အသုံးပြုနေရသောကြောင့် ရောဂါဖြစ်ပွားနေကြပြီး ရေရှည်အတွက် ရေရှားပါးမှု ဒဏ်ကို စိုးရိမ် သောက ပူပန်ရောက်နေကြကြောင်းကို ယခုလိုပြောထားသည်။

“အခုက ရေကလည်းရှာလာတယ်။ နွေရာသီဆို ပိုဆိုးမယ်ထင်တယ်၊ ချောင်းထဲက ရေနောက်တွေကို ပဲအသုံးပြုရတော့ အရေပြားရောဂါတွေဖြစ်ပွားကြတာပေါ့၊ ရှေ့ဆက်ဘယ်လို ဖြေရှင်းရမလဲဆိုတာကိုတော့ မသိသေးဘူး” ဟု စစ်ရှောင်ကူညီနေသည့် အမျိုးသားတစ်ဦးက ပြောသည်။

အရေပြားရောဂါဖြစ်ပွားနေကြသည်မှာ ကလေးသူငယ်များနှင့် ကိုယ်ဝန်ဆောင်များက အများဆုံးဖြစ်ပြီး တကိုယ်ရည် သန့်ရှင်းမှု နည်းပါးသည့်အပြင် မသန့်ရှင်းသော ရေကိုအသုံးပြုနေရတာကြောင့် ဖြစ်သည်ဟု ထိုအမျိုးသားတစ်ဦးက ထပ်လောင်းပြောကြားထားသည်။

အဆိုပါ ရောဂါဖြစ်ပွားနေသောကြောင့် မိဘများမှ မိမိတို့၏ ကလေးများအတွက် စိုးရိမ်ကြောင်းနှင့် ညဆို ယားယံတာကြောင့် အိပ်ရေးပျက်သည့် ညများလဲရှိကြောင်း ယခုလိုပြောပြထားသည်။

“ကလေးက ယားနေတော့ ခဏခဏ ကုတ်ပြီးငိုတယ်၊ ညဆိုအိပ်မရဘူး၊ ဆေးကလည်း မရှိဘူး၊ အရင်ကလို အလှူရှင်တွေကလည်း မလာနိုင်တော့ ဆေးလည်း ပြတ်တယ်၊ ကလေးတွေ ဒီလိုမြင်ရတော့ မိဘတစ်ယောက်အနေနဲ့ရင်ထဲမကောင်းဘူး၊ သူ့အစားပဲ ကိုယ့်မှာပဲ ဖြစ်စေချင်တာ”လို့ စစ်ရှောင် အမျိုးသမီးတစ်ဦးက သျှမ်းသံတော်ဆင့်ကို ပြောသည်။

ယခုလက်ရှိတွင် အလှူရှင်အများစုသည် လမ်းပန်းဆက်သွယ်ရေးအခြေနေရ သွားရောက်ကူညီ၍ မရသောကြောင့် ဆေးသားများ မလုံလောက်သည့် ပြဿနာကြုံနေရကြောင်း စစ်ရှာင်ကူညီနေသူ တစ်ဦးက ထပ်ဆင့်ပြောထားသည်။

လက်ရှိတွင် ငွေကြေးအခက်ခဲတွေကြားထဲက အဆင်ပြေသလို နေထိုင်ရပြီး အလှူရှင်မှ ထောက်ပံ့သည့် အလှူငွေနှင့် သောက်သုံးရေကို ဝယ်ယူသုံးစွဲနေရကြရပါသည်။

Leave a Comments

- Advertisement -spot_img

Latest article