ယနေ့ ဇန်နဝါရီလ ၄ ရက်နေ့တွင် ကျရောက်သည့် ၇၆ နှစ်မြောက် လွတ်လပ်ရေးနေ့တွင် Sexy မော်ဒယ် သရုပ်ဆောင် သင်ဇာဝင့်ကျော် နှင့် နန်းမွေစံတို့က လွတ်မြောက်လာကြောင်း စုံစမ်းသိရသည်။
ရန်ကုန်မြို့ ၊ အင်းစိန်ထောင်တွင် ထောင်ဒဏ် အသီးသီး ချမှတ်ခံထားရသည့် Sexy မော်ဒယ် သရုပ်ဆောင် သင်ဇာဝင့်ကျော် နှင့် နန်းမွေစံ တို့သည် ၇၆ နှစ်မြောက် လွတ်လပ်ရေနေ့ အထိမ်းအမှတ်အဖြစ် စစ်ကောင်စီမှ လွတ်ငြိမ်းခွင့်ဖြင့် ပြန်လည်လွတ်မြောက်လာကြောင်း သိရသည်။
Sexy မော်ဒယ် သရုပ်ဆောင် သင်ဇာဝင့်ကျော်သည် ၂၀၂၂ ခုနှစ်၊ ဇူလိုင်လဆန်းပိုင်းအတွင်း ရှမ်းပြည် တိုးတက်ရေး ပါတီ (SSPP) ဌာနချုပ်သို့ သွားရောက်ကာ ဒေသဖွံ့ဖြိုးရေး မှတ်တမ်းဗီဒီယိုသွားရောက် ရိုက်ကူးခဲ့တဲ့အပြင် SSPP ၏ အကြီးအကဲဖြစ်သူ ဗိုလ်မှူးကြီး စိုင်းဆု၏ သမီးမင်္ဂလာဆောင်ကို SSPP ယူနီဖောင်းဝတ်စုံဖြင့် တက်ရောက်ခဲ့ပြီး နောက် စစ်ကောင်စီ၏ ဖမ်းဆီးမှုကို ခံရခြင်း ဖြစ်သည်။
အာဏာသိမ်း စစ်ကောင်စီ တပ်ဖွဲ့က Sexy မော်ဒယ် သရုပ်ဆောင် သင်ဇာဝင့်ကျော် နှင့် နန်းမွေစံ တို့ကို ပြီးခဲ့သည့် ၂၀၂၂ ခုနှစ် ဇူလိုင်လ အတွင်း အီလက်ထရွန်နစ်ဥပဒေ နှင့် စစ်ခုံရုံးတွင် တရားစွဲဆိုခံရပြီး ဒီဇင်ဘာ ၂၃ ရက်နေ့တွင် ထောင်ဒဏ်အသီးသီး ချမှတ်ခံခဲ့ရခြင်း ဖြစ်သည်။
Sexy မော်ဒယ် သရုပ်ဆောင် သင်ဇာဝင့်ကျော် နှင့် နန်းမွေစံ တို့ ၂ ဦးတို့ကို စစ်ကောင်စီတပ်မှ စွဲဆိုထားသည့် အီလက်ထရောနစ် ဥပဒေ ပုဒ်မ – ၃၃ နှင့် ၃၃-က တို့သည် အမြင့်ဆုံး ပြစ်ဒဏ်အဖြစ် ထောင်ဒဏ် ၇ နှစ်အထိ ချမှတ်နိုင်သည့် ပုဒ်မများလည်း ဖြစ်ကြောင်း လေ့လာသိရှိရသည်။
လက်ရှိတွင် ၎င်းတို့နှစ်ဦးသည် ထောင်ဒဏ် တစ်နှစ်ကျော် ကျခံရပြီးနောက် ပြန်လည်လွတ်မြောက်လာခြင်း ဖြစ်သည်။
ယနေ့ ဇန်နဝါရီလ ၄ ရက်နေ့တွင် ကျရောက်သည့် လွတ်လပ်ရေး အထိမ်းအမှတ်အဖြစ် တနိုင်ငံလုံးရှိ အကျဥ်းထောင် အသီးသီးမှ အကျဥ်းသား ၉၆၅၂ ဦး လွတ်ငြိမ်းချမ်းသာခွင့်ပေးမည်ဟု စစ်ကောင်စီက ထုတ်ပြန်ထားသော်လည်း သျှမ်းပြည်အတွက် ဦးရေ စာရင်း နှင့် နိုင်ငံရေး အကျဉ်းသားဦးရေကို သျှမ်းသံတော်ဆင့်မှ စုံစမ်းနေဆဲ ဖြစ်သည်။
Leave a Comments