ကရင်နီပြည်မှ သျှမ်ပြည် ဆီဆိုင်မြို့သို့ စစ်ဘေးတိမ်းရှောင်လာသူများ နေ့စဉ်တိုးလာပြီး စားဝတ်နေရေးနှင့် နေရာထိုင်ခင်းအတွက် အခက်အခဲများဖြစ်ကြောင်း စုံစမ်းသိရသည်။
သျှမ်း-ကရင်နီ ပြည်တကြော မှ “၁၁.၁၁ စစ်ဆင်ရေး”ကြောင့် သျှမ်းပြည် နေရာ အသီးသီးသို့ စစ်ဘေးသိမ်းရှောင်လာသူများ နေ့စဉ်တိုးနေပြီး ဆီဆိုင်မြို့တွင် စားနပ်ရိက္ခာ၊ စောင်၊ အနွေးထည်တွေ နှင့် နေရာထိုင်ခင်များ လိုအပ်မှုများ အခက်အခဲများရှိနေကြောင်း စစ်ရှောင်ကူညီသူ တစ်ဦးက သျှမ်းသံတော်ဆင့်ကို ပြောသည်။
“သူများလည်း တက်နိုင်သလောက်တော့ ကူညီနေကြတာပဲ။ လူသစ်တွေလည်း ထက်ရောက်နေတာပဲ နေ့တိုင်းလာနေကြတယ်။ယာယီတဲထိုးပြီးနေနေတဲ့ဟာတွေလည်းရှိတယ်။ဒီတခေါက်က ဘာမှစီစဉ်ထားတာ မရှိဘူးလေ။အဝတ်တစ်တည်ကိုယ်တစ်ခုနဲ့ လာတဲ့လူတွေကများတယ်လေ။”ဟု စစ်ရှောင်ကူညီသူ အမျိုးသားတစ်ဦးက ပြောသည်။
“၁၁.၁၁”စစ်ဆင်ရေးကြောင့် သျှမ်း-ကရင်နီနယ်စပ်တကြောမှ စစ်ရှောင်များသည် ဘုရားဆောင်းတန်းများ၊ ဘုန်းကြီးကျောင်းများ၊ဇရပ်များနှင့် နီးစပ်ရာဆွေမျိုးအိမ်းများ အိမ်ငှာနေသူများ အဆင်ပြေသလို ခင်းကျဉ်းနေထိုင်ကြပြီး သျှမ်းပြည်သို့စစ်ဘေးရှောင်လာသူ သုံး သောင်းကျော်ခန့်ရှိကြောင်းသိရသည်။
အိုးအိမ် စွန့်ခွာပြီး စစ်ရှောင်လာသူ အများစုသည် စား၀တ်နေရေး ခက်ခဲသဖြင့် ပါလာသော ပစ္စည်းများကို ရောင်းချနေရသလို ရေရှည်ရပ်တည်နိုင်ရန် ကြုံရာအလုပ်များကို လုပ်နေကြပြီး ရုန်းကန်နေကြကြောင်းလည်း သိရှိရသည်။
