သျှမ်းပြည် ကျောက်မဲမြို့ရှိ နတ်ရေကန်ဝိမုတ္တိ ဘုန်းကြီးကျောင်းနှင့် တရုတ်သချိုင်းအနီးတွင် ရှိသော ရှိုထဲတွင် သေဆုံးပွနေသော (TNLA၊ KIA၊ MNDAA၊ AA၊ PDF) တံဆိပ်များပါ အလောင်းပေါင်း ၇၀ ကျော်တွေ့ရှိသည် ဆိုသည့် သတင်းအမှား ဖြန့်ဝေနေသည်။

ယခုရက်ပိုင်း လူမှုကွန်ရက်စာမျက်နှာများပေါ်တွင် “ ပွတ်ပွနေသာ အလောင်းများအား ရှင်းလင်းပေး နိုင်ပါရန် တင်ပြခြင်း “ (မူရင်းအရေးအသား) ဆိုကာ တောင်းခံစာ စာစောင်တစ်ခု ပြန့်နှံ့နေပါသည်။ စစ်ကောင်စီ ဝါဒဖြန့်တယ်ရီဂရမ် ဖြစ်သည့် Ko Thet အကောင့်ကလည်း အဆိုပါ စာစောင်ကို ယနေ့ (နိုဝင်ဘာလ ၃၀ ရက်)တွင် ထပ်မံဖြန့်ဝေထားပြီး ကြည့်ရှုသူပေါင်း ၁၇,၀၀၀ ကျော်ရှိသည်။

Archive Link – https://t.me/kothetjournalist/56561

သျှမ်းသံတော်ဆင့်မှ အချက်အလက်စစ်ဆေးသည့် အဖွဲ့မှ စစ်ဆေးမှုပြုလုပ်သည့်အခါမှာ အတုဖြစ်နေကြောင်း တွေ့ရသည်။

“ ဒေသခံတွေကော၊ ဌာနဆိုင်ရာတွေကော ကျနော်တို့ ဆက်သွယ်မေးမြန်းခဲ့ပြီးပြီ။ ဒီလူသေအလောင်းတွေက တကယ်မရှိပါဘူး။ ဒီစာစောင်တွေလည်း အတုတွေပါ “ ဟု ကျောက်မဲမြို့ အခြေစိုက် နမ့်ခုံးရှမ်းများပရဟိတအသင်းမှ တာဝန်ခံတစ်ဦးက အတည်ပြုပြောဆိုထားသည်။

အဆိုပါ သတင်းနှင့်ပတ်သက်၍ သျှမ်းသံတော်ဆင့်မှ ကျောက်မဲမြို့ဒေသခံများထံ ထပ်မံဆက်သွယ် မေးမြန်းခဲ့သော်လည်း မဟုတ်မမှန်ကြောင်း ပြောဆိုနေကြသည်။

ထို့အပြင် ဒေသအတွင်း မီဒီယာတစ်ခုဖြစ်သည့် ရွှေဖီမြေသတင်းမှ ထိုသတင်းနှင့် ပတ်သက်၍ မဟုတ်မှန်ကြောင်း ရေးသားဖော်ပြထားပါသည်။

မူရင်းလင့်- https://www.facebook.com/photo?fbid=675056438134957&set=a.404503215190282

ထို့ကြောင့် သေဆုံးပုတ်ပွနေသော (TNLA၊ KIA၊ MNDAA၊ AA၊ PDF) တံဆိပ်များပါ အလောင်းပေါင်း ၇၀ ကျော်တွေ့သည်ဆိုမှာ သတင်းအမှားဖြစ်ပြီး၊ ပြည်သူလုထုကို လှည့်ဖြားမှားယွင်းစွာ တင်ဆက်ချက်ဖြင့် ချဲ့ကား ရေးသားဖြန့်ဝေနေခြင်း ဖြစ်သည်။

သျှမ်းသံတော်ဆင့် စာဖတ်ပရိသတ်များအနေဖြင့် လူမှုကွန်ရက်စာမျက်နှာများတွင် ဖော်ပြနေသည့် သတင်များကို ချက်ချင်းမယုံကြည်ဘဲ စိတ်ချရသော သတင်းမီဒီယာများတွင် သွားရောက်ဖတ်ရှု့ကြရန် တိုက်တွန်းပါသည်။

ထို့အပြင် စာဖတ်ပရိတ်သတ်များအနေဖြင့် (သတင်းအမှား) ဟု ယူဆရသည့် သတင်းများကိုလည်း သျှမ်းသံတော်ဆင့်ရဲ့ Chat Box မှ တစ်ဆင့် သတင်း၏ လင့်ခ် ( သို့ ) Screen Short ပေးပို့လာခြင်းဖြင့် စစ်ဆေးနိုင်သည်။