ကရင်နီ(ကယား)ပြည် မှ အင်လေးဒေသသို့ လာရောက် ခိုလှုံ စစ်ဘေးရှောင်နေသူများအတွက် ဆောင်ရာသီ အတွက် အသုံးအဆောင် ပစ္စည်းများ လိုအပ်နေကြောင်း စုံစမ်းသိရသည်။
သျှမ်းပြည် အင်းလေးဒေသ နမ်းပန်၊ ရွှေခေါင်း၊ ရေသာ ကျေးရွာများတွင် ရွာတစ်ရွာလျှင် စစ်ရှောင်သူဦးရေ ရာဂဏန်းရှိပြီး ထို ကျေးရွာများတွင် စစ်ရှောင်သူဦးရေ ၈၀၀ ဝန်းကျင်ခန့် ရှိကြောင်း စစ်ဘေးရှောင် ကူညီသူတစ်ဦးက သျှမ်းသံတော်ဆင့်ကို ပြောသည်။
“တချို့ရွာတွေဆို ၃၀၀ ကျော်တယ်။တချို့နေရာတွေကျတော့လည်း စက်လှေနဲ့သွားရတာ အရမ်းဝေးတယ်။ လှေနဲ့ထပ်ငှားပြီးသွား ရတော့ အင်းထဲကို လှူတဲ့လူတွေကသိပ်မရောက်ကြဘူး။အင်းပတ်ကနေ ကားလမ်း ပေါက်တဲ့ ရွာတွေထက် သူတို့က ပိုခက်ခဲ တာပေါ့။” ဟု စစ်ဘေးရှောင်ကူညီသူ အမျိုးသားတစ်ဦးကပြောသည်။
စစ်ဘေးရှောင်အများစုတွင် ဘုန်းကြီးကျောင်းတွင် အများစု ခိုလှုံနေပြီး၊ဆွေမျိုးအိမ်များ၊အိမ်ငှားနေသူများရှိပြီး ဘုန်းကြီးကျောင်းတွင် နေထိုင်သူများအတွက် စားနပ်ရိက္ခာများ လိုအပ်နေကြောင်းသိရသည်။
“အစားအသောက်တွေကတော့ အခက်အခဲဖြစ်တယ်။ အင်္ကျီ အနွေးထည်နဲ့အိပ်ယာခင်းတွေကတော့ အများစုလိုတာပေါ့။တချို့တွေဆို ကြမ်ပေါ်မှားအိပ်နေကြရတာ အခင်းမရှိလို့ ” ဟု သွားရောက်ကူညီသည့် အမျိုးသားတစ်ဦးက ပြောသည်။
ထို့အပြင် အောင်ပန်းမြို့တွင်လည်း စစ်ဘေးရှောင် လူဦးရေနေ့စဉ်ဆိုသလို့တိုးလာပြီး စုစုပေါင်း စစ်ရှောင်ဦးရေ ၁ ထောင်ခန့် ရှိနေပြီး၊ ဝတ်နေရေးအခက်အခဲနှင့် အနွေးထည်များလိုအပ်နေကြောင်း စုံစမ်းသိရသည်။
သျှမ်း-ကရင်နီတကြော “၁၁.၁၁ စစ်ဆင်ရေး”ကြောင့် နိုဝင်ဘာလ ၁၅ ရက်မှထွက်ပြေးလာပြီး၊ လက်ရှိတွင် သျှမ်းပြည် တောင်ပိုင်း ပင်လောင်း၊ ညောင်ရွှေ၊ အင်းလေးနှင့် ဆီဆိုင် ဒေသများတွင် ကရင်နီပြည်မှ အရေးပေါ် တိမ်းရှောင်လာပြီး ဘုန်းကြီးကျောင်းများနှင့် ဆွေမျိုးအိမ်များသို့ လာရောက် စစ်ဘေးရှောင်နေကြပြီး စားဝတ်နေရး နှင့် အနွေးထည်များ လိုအပ်နေကြောင်း သိရသည်။
Leave a Comments