DMO-Local PDF သည် နွေဦးတော်လှန်ရေးမှ စတင်၍ ပြည်သူလူထုထောင်ခံမှုဖြင့် ပြည်သူ့ကာကွယ်ရေးတပ်ဖွဲ့ အဖြစ် ဖွဲ့စည်းတည်ထောင်ခဲ့သော တပ်ဖွဲ့တစ်ခု ဖြစ်သည်။

၎င်းတို့ တပ်ဖွဲ့၀င်တွေအားလုံး ပြည်သူ့အကျိုးစီးပွားကို မထိခိုက်စေရန်အတွက် အမျိုးသားညီညွတ်ရေးအစိုးရမှ ထုတ်ပြန်ထားသည့် စစ်ဘက်ဆိုင်ရာကျင့်၀တ်များကို လိုက်နာကြရန် ပြည်သူ့ကာကွယ်ရေးတပ်-ဒီးမော့ဆို (DMO-Local PDF) က နို၀င်ဘာလ ၂၇ ရက်တွင် ထုတ်ပြန်ကြေညာခဲ့သည်။

DMO-Local PDF တပ်ဖွဲ့၀င်အားလုံးအနေဖြင့် ရှေ့တန်းတွင်လည်းကောင်း၊ နောက်တန်းတွင်လည်းကောင်း ပြည်သူလူထု၏ ခွင့်ပြုချက်မရဘဲ ပြည်သူပိုင်ပစ္စည်းများကို ခိုးယူရောင်းချခြင်း၊ အလွဲသုံးစားပြုလုပ်ခြင်း လုံး၀ မပြုလုပ်ကြရန် နှင့် ပြည်သူလူထုငြိုငြင်တဲ့လုပ်ရပ်မျိုးကို ရှောင်ကျဉ်ကြရန် ထုတ်ပြန်ချက်တွင် ဖော်ပြထားသည်။

ပြည်သူ့ကာကွယ်ရေးတပ်ဖွဲ့ ရဲဘော်တစ်ဦးချင်း လိုက်နာရမယ့်ကျင့်၀တ်များကို လေးစားလိုက်နာကြရန်နှင့် လိုက်နာဆောင်ရွက်မှု မရှိပါက စည်းမျည်းစည်းကမ်း၊ လုပ်ထုံးလုပ်နည်နှင့်အညီ ထိရောက်စွာ အရေးယူ ဆောင်ရွက်သွားမည်ဖြစ်ကြောင်း အသိပေး ထုတ်ပြန်ထားသည်။