မြန်မာ-တရုတ်နယ်စပ် မူဆယ်မြို့ ကောင်းနောင်ရပ်ကွက် အမှတ်(၂)စျေးအနီး ကုန်စုံဆိုင်ဖွင့်ထားသည့် အမျိုးသားတစ်ဦးကို အမည်မသိ လက်နက်ကိုင် တပ်ဖွဲ့က ယနေ့ (နိုဝင်ဘာ ၂၄)ရက် နံနက် ၇နာရီဝန်းကျင်တွင် ပြန်ပေးဆွဲသွားကြောင်း စုံစမ်းသိရသည်။
မူဆယ်မြို့ ကောင်းနောင်ရပ်ကွက် အမှတ် (၂)စျေးအနီးတွင် ကုန်စုံဆိုင်ဖွင့်ထားသည့် အမျိုးသားတစ်ဦး၏ ဆိုင်ကို ယနေ့ (နိုဝင်ဘာ ၂၄)ရက် နံနက် ၇နာရီဝန်းကျင်တွင် အမည်မသိ လက်နက်ကိုင်တပ်ဖွဲ့က Crown အဖြူရောင်ဖြင့်ရောက်လာပြီး သေနတ် (၃)ချက် မိုးပေါ်ထောင် သေနတ်ပစ်ကာ ဖမ်းဆီးခေါ်ဆောင်သွားကြောင်း မျက်မြင်တွေ့ရှိသည့် မူဆယ်မြို့ဒေသခံ အမျိုးသားတစ်ဦးက သျှမ်းသံတော်ဆင့်ကိုပြောသည်။
“ Crown ကားအဖြူနဲ့ လာပြီး သေနတ်ကို မိုးပေါ်ထောင်(၃)ချက်ပစ်သွားတယ်။ ပြီးတော့ဖမ်းခေါ်သွားတယ်။ ဘယ်ကိုခေါ်သွားလဲ မသိဘူး။ မြန်မာလိုတွေပြောသွားတာပဲ” ဟု ၎င်းအမျိုးသားတစ်ဦးက ပြောသည်။
ထိုအဖမ်းခံရသည့်အမျိုးသားသည် အသက် ၄၀ ဝန်းကျင်ရှိ အမျိုးသားတစ်ဦးဖြစ်ကြောင်းသိရသည်။
မူဆယ်မြို့သည် မြန်မာ-တရုတ်နယ်စပ်မြို့ဖြစ်ပြီး၊ လူမျိုးစုံ၊ လက်နက်ကိုင်ပေါင်းစုံ လှုပ်ရှားသည့်နယ်မြေဖြစ်ကာ မကြာခဏ ဓားပြတိုက်ခြင်း၊ လုယက်ခြင်၊ ဒုစရိုက်သမားများပေါများသည့် ဒေသလည်းဖြစ်သည်။
ထို့ကြောင့် မူဆယ်မြို့နေထိုင်သည့် ပြည်သူများသည် အပြင်သွားအလုပ်လုပ်ခြင်း၊ ခရီးသွားခြင်း၊ အလုပ်သွားခြင်းတို့တွင် အိမ်ကို စိတ်မချဘဲစိုးရိမ်နေရကြောင်း သိရသည်။
Leave a Comments