ကရင်နီ(ကယား)ပြည် တွင် မြို့သိမ်းတိုက်ပွဲများ ဆင်နွဲနေသည့် “၁၁.၁၁ စစ်ဆင်ရေး”နောက်ပိုင်းတွင် စစ်ကောင်စီမှ ဖုန်းလိုင်းများအားလုံးကို ဖြတ်တောက်လိုက်ကြောင်း စုံစမ်းသိရသည်။
ကရင်နီ(ကယား)ပြည် လွိုင်ကော်တွင် “၁၁.၁၁ စစ်ဆင်ရေး” မြို့သိမ်းတိုက်ပွဲများ ဆင်နွဲနေပြီး (နိုဝင်ဘာလ ၂၂ ရက်) နံနက်ပိုင်းတွင် ဖုန်းလိုင်းများအားလုံးကို ဖြတ်တောက်သွားကြောင့် ပြည်သူဒေသခံများက သျှမ်းသံတော်ဆင့်ကို ပြောသည်။
“ဖုန်းလိုင်းတွေဖြတ်ထားတာ ဘယ်သူ့ကိုမှ ဆက်လို့မရဘူး မနေ့ကတော့ MPT ရသေးတယ် ခုက ဘာမှမရတော့ဘူး။ အထဲမှာ ကျန်တဲ့သူတွေအတွက် စိတ်ပူတယ်။ ” ဟု သျှမ်းပြည်ကို စစ်ဘေးရှောင်လာ သူတစ်ဦးပြောပါသည်။
သျှမ်းပြည်မှ စစ်ဘေးရှောင်လာသည့် ပြည်သူများလည်း လွိုက်ကော်မြို့တွင် ပိတ်မိနေအများအပြားကျန်ရှိနေပြီး ဆွေမျိုးများ၊ကျန်ရစ်နေသူများနှင့် အဆင်အသွယ်ပြတ်တောက်သွားမှုကြောင့် စိုးရိမ်နေကြောင်း ဒေသခံများက ပြောသည်။
လွန်ခဲ့သည့် ဇွန်လနှောင်းပိုင်းတွင်လည်း ကရင်နီပြည်လွိုင်ကော်အပါအဝင် နေရာဒေသ အများစုတွင် မိုဘိုင်းအင်တာနက် Wifi အင်တာနက်များအသုံးပြုမရခဲ့ရာ ထိုအချိန်တွင် ဖုန်းခေါ်ဆိုမှုကို အသုံးပြုနိုင်သည့် မိုင်တဲလ် နဲ့ MPT ဆင်းကဒ်လည်း လက်ရှိမှာ ဖုန်းခေါ်ဆိုမှုလုံးဝမရတော့ကြောင်း သိရသည်။
သျှမ်း – ကရင်နီ နယ်စပ်တကြောတွင် နိုဝင်ဘာလ ၁၅ ရက်မှစပြီး ဒေသခံများ စစ်ဘေးတိမ်းရှောင်နေရပြီး တောင်ကြီး၊ အောင်ပန်း ၊ညောင်ရွှေ၊ ၊ ပင်လောင်းတို့တွင် ပြောင်းရွှေ့ကာ နိုဝင်ဘာလ ၁၉ ရက်နေ့မှ စတင်လက်ခံခဲ့ ကြောင်း သိရသည်။
လက်ရှိတွင် စစ်ကောင်စီမှ ပြင်းထန်စွာ လေကြောင်းဖြင့် ဆက်လက် တိုက်ခိုက်လျက်ရှိပြီး လွိုင်ကော်မြို့အတွင်း ကျန်ရှိနေသူများထဲတွင် ကိုယ်ဝန်ဆောင်မိခင်များ၊ ကလေးသူငယ်များနှင့် သက်ကြီးရွယ်အိုများ အပါအဝင် ဖြစ်ကာ အသက်အန္တရာယ် စိုးရိမ်ရသဖြင့် တတ်နိင်သည့်အားဖြင့် ခေါ်ထုတ် ကူညီပေးကြရန်၊ ခက်ခဲသည့်ကာလအတွင်း အကျိုးအမြတ် ထုတ်ခြင်းကို ရပ်တန့်ပေးရန် စစ်ရှောင်များမှ တောင်းဆိုထားသည်။
