သျှမ်းပြည် သီပေါမြို့အနီး ဖြစ်ပွားခဲ့သော တိုက်ပွဲထဲတွင် တအာင်း (ပလောင်) အမျိုးသား လွတ်မြောက်ရေး တပ်မတော် TNLA ရဲ့ ပြောရေးဆိုခွင့်ရှိသူ ဒုဗိုလ်မှူးကြီး တားအိုက်ကျော် ကျဆုံးဆိုသော သတင်းမှား ဖြန့်ဝေနေသည်။
စစ်ကောင်စီ ဝါဒဖြန့် တယ်ရီဂရမ်ချယ်နယ်ဖြစ်သော Ko Thet ဆိုသည့် အကောင့်မှ “ နိုဝင်ဘာလ ၁၂ ရက်က သီပေါမြို့အနီး တိုက်ပွဲမျာ TNLA မှ ဘဏ္ဍာရေးမှူး (တပ်မဟာမှူး) အဆင့်ရှိသူ တားအိုက်ကျော်သည် TNLA ၂၀ ကျော်နှင်အ့တူ မြေလျှိုးမိုးပျံသွားပါကြောင်း “ (မူရင်းရေးသား) ဟုဆိုကာ ပြည်သူလူထုကို လှည့်ဖြားမှားယွင်းစွာ တင်ဆက်ချက်ဖြင့် ရေးသားဖြန့်ချိနေကြောင်း TNLA ရဲ့ ရုပ်ပုံနဲ့အတူ ဖြန့်ဝေထားသည်။
Archive link – https://archive.ph/0gFEM
သျှမ်းသံတော်ဆင့် အချက်အလက် စစ်ဆေးသည့် အဖွဲ့အနေဖြင့် တိုက်ပွဲအတွင်း TNLA ရဲ့ ပြောရေးဆိုခွင့်ရှိသူ ဒုဗိုလ်မှူးကြီး တားအိုက်ကျော် ကျဆုံးသွားသည်ဆိုတဲ့ သတင်းကို စီစစ်ဆေးမှု ပြုလုပ်ခဲ့သည်။ ယင်းမှာ မှားယွင်းနေကြောင်း တွေ့ရသည်။
အဆိုပါ သတင်းနှင့် ပတ်သက်၍ တအာင်း (ပလောင်) အမျိုးသား လွတ်မြောက်ရေး တပ်မတော် TNLA ရဲ့ ပြန်ကြားရေးရုံးကလည်း မဟုတ်မှန်ကြောင်း ယခုလို ပြောဆိုထားပါသည်။
“ သီပေါမြို့တိုက်ပွဲမှာ ကျမတို့တပ်သား ကျဆုံးတာမရှိသလို တားအိုက်ကျော် အကောင်း ပဂတိရှိနေပါတယ်။ သက်ရှိ ထင်ရှားနေပါတယ်။ သတင်းအမှားသာ ဖြစ်ပါတယ် “ ဟု သျှမ်းသံတော်ဆင့်ကို အတည်ပြုပြော ဆိုထားသည်။
တခြားသော မီဒီယာများနှင့် တိုက်ဆိုင်စစ်ဆေးတဲ့အခါမှာလည်း ကျဆုံးကြောင်း မတွေ့ရပေ။
ထိုထဲမှ ဓာတ်ပုံဟာ လွန်ခဲ့တဲ့ ၂၀၁၉ ခုနှစ် ကထွက်ရှိထားတဲ့ ဓာတ်ပုံအဟောင်းသာဖြစ်ပြီး TNLA ရဲ့ စစ်သား ဝတ်စုံနှင့် ဘတ်တံဆိပ်မှာ အဟောင်း ဖြစ်နေသည်။
မူရင်းလင့်-
ထို့ကြောင့် တိုက်ပွဲအတွင်း တအာင်း (ပလောင်) အမျိုးသား လွတ်မြောက်ရေး တပ်မတော် TNLA ရဲ့ ပြောရေးဆိုခွင့်ရှိသူ ဒုဗိုလ်မှူးကြီး တားအိုက်ကျော် သေဆုံးသည်ဆိုတဲ့ သတင်းမှာ အမှားဖြစ်ပြီး၊ ပြည်သူလူထုကို လှည့်ဖြားမှားယွင်းတင်ဆက်ချက်ဖြင့် ရေးသားဖြန့်ချိနေတဲ့ သတင်းမှား ဖြစ်သည်။
သျှမ်းသံတော်ဆင့် စာဖတ်ပရိသတ်များအနေဖြင့် လူမှုကွန်ရက်စာမျက်နှာများတွင် ဖော်ပြနေသည့် သတင်းများကို ချက်ချင်းမယုံကြည်ဘဲ စိတ်ချရသော သတင်းမီဒီယာများတွင် သွားရောက်ဖတ်ရှု့ကြရန် တိုက်တွန်းပါသည်။
သျှမ်းသံတော်ဆင့် အနေဖြင့်လည်း သတင်းများကို အချိန်နည်း တပြေးညီ တင်ဆက်ပေးနေပါသည်။
