Saturday, July 13, 2024

တာချီလိတ်မြို့တွင် စစ်ကောင်စီတပ်သားများ ထောက်ပံ့ရေးအတွက် လုပ်ငန်းရှင်များထံ အလှူခံနေ

Must read

မြန်မာ-ထိုင်းနိုင်ငံ နယ်စပ်ဒေသ တာချီလိတ်မြို့ရှိ လုပ်ငန်းရှင်များထံ တိုက်ပွဲဝင်နေသော စစ်ကောင်စီ တပ်သားများ ထောက်ပံ့ရေးအတွက်ဆိုပြီး ဗျူဟာမှူးမှ အလှူငွေတောင်းခံနေကြောင်း သတင်းသိရှိရသည်။

တာချီလိတ်မြို့

လက်ရှိ မြန်မာနိုင်ငံတစ်ဝှမ်းရှိ တိုင်းနှင့် ပြည်နယ်အသီးသီးတွင် စစ်ကောင်စီတပ်ဖွဲ့နှင့် တိုင်းရင်းသား လက်နက်တပ်ဖွဲ့ မဟာမိတ်၊ တော်လှန်ရေးပူးပေါင်းတပ်ဖွဲ့ မဟာမိတ်တို့အကြား တိုက်ပွဲဖော်ဆောင်လာချိန်တွင် စစ်ရေးအားနည်းလာသည့် စစ်ကောင်စီတပ်ဖွဲ့သည် ယခုရက်ပိုင်း အလှူငွေတောင်းခံခြင်း ခပ်စိပ်စိပ် ပြုလုပ်လာနေသည်။

စစ်ကောင်စီဝါဒဖြန့် တယ်ရီဂရမ်ချယ်နယ်များတွင်လည်း K-pay နံပါတ်ဖြင့် အလှူငွေတောင်းခံနေပြီး ယမန်နေ့ ( နိုဝင်ဘာလ ၁၃ ရက်) ညပိုင်းအထိ ကျပ်သိန်း ၉၀ နီးပါး ရရှိပြီဖြစ်ကြောင်း Ko Thet ဆိုသည့် အကောင့်တွင် ဖော်ပြထားပါသည်။

တာချီလိတ်

ထိုနည်းတူ တာချီလိတ်မြို့ ဗျူဟာမှုးမှ ဦးဆောင်၍ ဟိုတယ်ပိုင်ရှင်နှင့် လုပ်ငန်းရှင်များထံ အလှူငွေကောက်ခံနေသည်ဟု ဒေသခံတစ်ဦးက သျှမ်းသံတော်ဆင့်ကို ပြောသည်။

“ တာချီလိတ် ဗျူဟာမှူးက တာချီလိတ်မှာရှိတဲ့ လုပ်ငန်းရှင်၊ ဟိုတယ်ပိုင်ရှင်တွေ အကုန်လုံးဆီက အလှူငွေလိုက်ခံနေတယ်။ ပိုက်ဆံတောင်းနေတယ်။ စစ်ဖြစ်နေတဲ့ဒေသမှာ သူတို့တပ်မတော်သားတွေ အထိနာတဲ့အတွက် သွားပြီးကူညီမယ်၊ ထောက်ပံ့မယ်ဆိုပြီးတော့ အတင်းကောက်နေပါတယ် “ ဟု ၎င်းဒေသခံတစ်ဦးက ပြောသည်။

အဆိုပါ စစ်ကောင်စီတပ်သားများအတွက် ထောက်ပံ့ရေးကို ဘယ်လောက်ကောက်ခံနေကြောင်း မသိရှိရဘဲ ဆက်လက်စုံစမ်းမေးမြန်း နေခြင်းပင်။

ထို့အပြင် သျှမ်းမြောက်ဒေသတွင်လည်း စစ်ကောင်စီတပ်ဖွဲ့နှင့် ညီနောင်မဟာမိတ်တို့အကြား တိုက်ပွဲဆက်လက် ဖြစ်ပွားနေကာ စစ်ကောင်စီတပ်ဖွဲ့မှ အထိနာနေသည်။
ယင်းကဲ့သို့ တိုက်ပွဲဝင်နေသော စစ်ကောင်စီတပ်သားများအတွက် စေတနာရှင် အလှူရှင်ပြည်သူများက ဒံပေါက်ဘူးများ ပေးပို့လှူဒါန်းခဲ့ကြောင်း စစ်ကောင်စီက ထုတ်ပြန်ထားသည်

Leave a Comments

- Advertisement -spot_img

Latest article