ကြားကာလတွင် ပြည်သူ့အုပ်ချုပ်ရေး အကောင်အထည်ဖော်ဆောင်လျက်နေကြောင်း ဒေသများရှိ ပုဂ္ဂလိက ဘဏ်များတွင် အပ်နှံထားသည့်ပြည်သူများ၏ အပ်နှံငွေများ ဆုံးရှုံးနစ်နာမှုမရှိစေရန် စီမံဆောင်ရွက် နေကြောင်း အမျိုးသားညီညွတ်ရေးအဆိုးရ (NUG)က ယနေ့ (နိုဝင်လာလ ၁၃) ရက်တွင် အသိပေးကြေညာခဲ့သည်။

အောက်တိုဘာလမှ စတင်ပြီး အရှိန်မြင့်တက်လာခဲ့သော ပြည်သူ့ နွေဦးတော်လှန်ရေး၊ အကောင်ထည်ဖော် လျက်ပြီး ဒေသများရှိ ပုဂ္ဂလိက ဘဏ်တွင် အပ်နှံထားသည့် ပြည်သူ၏ ငွေများကို ဆုံးရှုံးမှုမရှိစေရန် အမျိုးသားညီညွတ်ရေးအဆိုးရ (NUG)သည် ကြားကလ ဗဟိုဘဏ်အနေဖြင့် အချိန်နှင့် တပြေးညီ စီမံ ဆောင်ရွက်လျက်ရှိနေကြောင်း ထုတ်ပြန်ခဲ့သည်။

ကြားကာလ ဗဟိုဘဏ်တည်ထောင်ခြင်းဆိုင်ရာ ဥပဒေကဲ့သို့ အာဏာတည်သော အမိန် နှင့်အတူ ပြည်သူများ၏ဆုံးရှုံးနှစ်နာမှုများကို အချိန်မီကုစားရန်၊ ပြည်သူအုပ်ချုပ်ရေးကို စတင်ဆောင်ရွက်နေသည့် ဒေသများတွင် ဘဏ္ဍာရေးဆိုင်ရာ လိုက်နာဆောင်ရွက်ရန် စနစ်တူကျရှိစေရန် တာဝန်ယူမှု၊တာဝန်ခံမှု ရှိစေရန် စီစဉ်ဆောင်ရွက် နေကြောင်း ထုတ်ပြန်ခဲ့သည်။

သိမ်းပိုက်ရရှိထားသည့် နယ်မြေအတွင်းရှိ ပုဂ္ဂလိကဘဏ်များ၏ ပရိဝုဏ်၊ အဆောက်အအုံ၊ ဘဏ်ဝန်ထမ်းများ ၊ ဘဏ်အတွင်းရှိ ငွေသား ၊ ဘဏ်ငွေတိုက် (Vault) ရှိငွေသား၊ စာရင်းမှတ်တမ်းများ၊ စာချုပ်စာတမ်းများ၊ ပေါင်နှံစာရွက်စာတမ်းများ (Collateral)၊ ဘဏ်အတွင်းရှိ စက်ပစ္စည်းကိရိယာများ၊ ရုံးသုံး Software၊ Hardware များနှင့်စပ်လျဉ်းသည့် ဆောင်ရွက်ရမည့် လုပ်ငန်းစဉ်အသေးစိတ်ကို ဖော်ပြသတ်မှတ်ထားပြီး လိုက်နာ အကောင်အထည်ဖော်ဆောင်မှုများကို အထူးကြပ်မတ် စီမံနေကြောင်း သိရသည်။

အခြေအနေတည်ငြိမ်သည်နှင့် ထိန်းသိမ်းပြုစုထားသည့် စာရင်း၊ ဇယား၊ မှတ်တမ်းများနှင့် အညီ ပြည်သူ့ အပ်နှံငွေများ ပြည်သူ့ထံပြန်လည်ရရှိစေရန် စီမံဆောင်ရွက်သွားမည်ဖြစ်ကြောင်း အမျိုးသား ညီညွတ်ရေး အစိုးရအနေဖြင့် ပြည်သူ့အကျိုးစီးပွားကို အစဉ်ရှေ့တန်းတင် ဆောင်ရွက် သွားမည် ဖြစ်ကြောင်း အသိ ပေးကြေညာခဲ့ပါသည်။

သျှမ်းပြည် လားရှိုးခရိုင်၊ သိန္နီမြို့၊ လားရှိုး ဘဏ်ခွဲဖြစ်သည့် သိန္နီ CB Bank ကို (နိုဝင်ဘာလ ၆ ရက်) ညနေပိုင်းတွင် ညီနောင်မဟာမိတ် ၃ ဖွဲ့ တို့က ဝင်ရောက် ဖောက်ခွဲခဲ့ပြီး မြန်မာကျပ်ငွေ သိန်းထောင်ချီ ဆုံးရှုံးသွားခဲ့ကြောင်း ဘဏ်နှင့်နီးစပ်သည့် ဒေသခံများက သျှမ်းသံတော်ဆင့်ကို ပြောသည်။