သျှမ်းပြည် မူဆယ်မြို့တွင် ပြည်သူများကို ဓားထောက် ဓားပြတိုက်နေသည့် အမျိုးသား နှစ်ဦးကို ဒေသခံများ နှင့် ပြည်သူ့ စစ်များက ဖမ်းဆီးမိကြောင်း စုံစမ်းသိရသည်။
ယမန်နေ့ (နိုဝင်ဘာ ၈)ရက် ည ၆နာရီအချိန်တွင် မူဆယ်မြို့ရှိ နန်းတော်ပေါက်ရှေ့၌ ပြည်သူများကို အမျိုးသား ၂ဦးက ဓားထောက်ပြီး ဓားပြတိုက်မှုပြုလုပ်ခဲ့သည်။
ထို ဓားပြတိုက်သူ ၂ဦးကို သက်ဆိုင်ရာ ရဲများက ဖမ်းဆီးရမိခဲ့ကြောင်း ဒေသခံ အမျိုးသား တစ်ဦး ကသျှမ်းသံတော်ဆင့်ကိုပြောသည်။
“ဓားထောက်ပြီး ဓားပြတိုက်တာ ဟုတ်တယ်။သူတို့က သူများပိုက်ဆံ အိပ်ကိုလာလုတာ။ နှစ်ယောက် လာတာ နှစ်ယောက်လုံးကို ဖမ်းမိတယ်။ ပြည်သူ့ စစ်တွေနဲ့ တာဝန်ရှိသူတွေက ဖမ်းသွားတာ”ဟု မူဆယ်မြို့ဒေသခံ အမျိုးသားတစ်ဦးက ပြောသည်။
မူဆယ်မြို့သည် မြန်မာ-တရုတ်နယ်စပ်မြို့ဖြစ်ပြီး၊ လူမျိုးစုံ၊ လက်နက်ကိုင်ပေါင်းစုံ လှုပ်ရှားသည့် နယ်မြေဖြစ်ကာ မကြာခဏ ဓားပြတိုက်ခြင်း၊ လုယက်ခြင်၊ ဒုစရိုက်သမားများပေါများသည့် ဒေသလည်းဖြစ်သည်။
ထို့ကြောင့် မူဆယ်မြို့နေထိုင်သည့် ပြည်သူများသည် အပြင်သွားအလုပ်လုပ်ခြင်း၊ ခရီးသွားခြင်း၊ အလုပ်သွားခြင်းတို့တွင် အိမ်ကို စိတ်မချဘဲစိုးရိမ်နေရကြောင်း သိရသည်။
ထို့အပြင် နမ့်ခမ်းမြို့တွင်း တိုက်ပွဲကြောင့် နေရပ်စွန့်ပြီးထွက်ပြေးတိမ်းရှောင်လာကြသည့် စစ်ဘေးရှောင်များသည် လက်ရှိတွင် မူဆယ်မြို့ရှိ မြို့လယ် ဝေဠုဝန်ကျောင်း နှင့် ခရစ်ယာန်ဘုရားကျောင်းတွင် လာရောက် ခိုလှုံနေသူ ၁၀၀ ကျော် ရှိနေကြောင်းသိရသည်။
Leave a Comments