သျှမ်းပြည်၊ တောင်ကြီးခရိုင်၊ ရွာငံမြို့အတွင်း၌ စိုက်ခင်းသီးနှံသူခိုးများသောင်းကျန်းမှုကြောင့် စိုက်ခင်းပိုင်ရှင်များက အခက်တွေ့နေကြောင်း စုံစမ်းသိရသည်။
သီတက်းကျွတ်ကာလ နှောင်းပိုင်း နိုဝင်ဘာလ ပထမပတ်အတွင်းတွင် ရွာငံမြို့၊ အင်းကြီးကျေးရွာရှိ လိမ္မော်ခြံထဲ သူခိုးများ အုပ်စုရောက်ရှိနေပြီး ပိုင်ရှင်ဖြစ်သူကိုခြိမ်းခြောက်မှု ပြုလုပ်ခဲ့ကြောင်း ဒေသခံအမျိူးသား တစ်ဦးကပြောငည်။
“အရင်တုန်းက သူခိုးဆိုရင် တစ်ယောက်စ၊ နှစ်ယောက်စ ရှိခဲ့ဖူးပါတယ်။ ခုချိန်ကတော့ အုပ်စုလိုက်ကို ရှိနေတာ။ ငါးယောက်ထက်မနည်းဘူး။ အဲ့ခြံပိုင်ရှင်ကို ခြိမ်းခြောက်တာက တကယ်လို့ အသက်ရှိချင်ရင် လိမ္မော်သီးရောင်းရငွေတွေ အကုန်ပေးတဲ့။ ပြီးတော့ ဆာလာအိတ်တစ်အိတ်စာလည်း ခူးပေးဆိုလို့ ခြံပိုင်ရှင်ကကြောက်ကြောက်နဲ့ပေးရတာ” ဟု ဖြစ်စဉ်ကို သိရှိသည့် အမီုးသား တစ်ဦးကပြောသည်။
အဆိုပါ သူခိုးများသည် ငါးယောက်နှင့် အထက် အုပ်စုလိုက် သွားလာနေတတ်ကြပြီး မျက်နှာကိုလည်း ဖုံးအုအ်ထားကြကြောင်း သိရသည်။
ထို့အပြင် နိုဝင်ဘာလ ပထမပတ်အတွင်းမှာပင် ရွာငံမြို့ သိမ်ကုန်းကျေးရွာရှိ နေအိမ်တလုံးတွင်လည်း သူခိုးဝင်ရောက်ရာ အိမ်ရှင်အော်ဟစ်အကူအညီတောင်းမှုကြောင့် ပထမတကြိမ် ထွက်ပြေးသွားသော်လည်း ဒုတိယတခေါက်တွင် အဖော်များ ခေါ်လာကာ ဘက်ထရီအိုးကြီး တလုံး ခိုးယူသွားကြောင်းလည်း သိရသည်။
“ပထမတကြိမ်က တစ်ယောက်တည်း လာတာ၊ အိမ်ရှင်က မြင်ပြီးအော်လိုက်လို့ သူထွက်ပြေးသွားတယ်။ ဒုတိယအကြိမ်တော့ အဖော်တွေပါ ခေါ်ခဲ့တာထင်တယ်။ ဘက်ထင်္ရအိုးကြီးတစ်လံညး ခိုးယူခံရတယ်။ အခုဆို အိမ်မှာလည်း တစ်ယေညက်တည်း မနေရဲကြတော့ဘူး” ဟု အထက်ပါ အမျိုးသားကပြောသည်။
ယင်းကဲ့သို့ သူခိုးများက အုပ်စုလိုက်ရှိနေသည့်အတွက် ဒေသခံများ အနေဖြင့် နေအိမ်တွင်း တစ်ယောက်တည်း မနေရဲကြောင်း၊ အပြင်ထွက်သွားလာရန်လည်း ကြောက်ရွံ့နေရကြောင်း သိရသည်။
ရွာငံမြို့သည် လက်ရှိ စစ်အာဏာသိမ်းမှု နောက်ပိုင်း၌ ခိုးဆိုးလုယက်မှုများ၊ အကြောင်းမဲ့ ဖမ်းဆီးမှုများ၊ စစ်တပ်၏ လူ့အခွင့်အရေး ချိူးဖောက်မှုများကို ရင်ဆိုင်နေရကြောင်းလည်း သိရသည်။
Leave a Comments