“၁၀၂၇ စစ်ဆင်ရေး” တိုက်ပွဲ (အောက်တိုလာလ ၂၇)မှ စတင်ခဲ့ပြီး ညီနောက်မဟာမိတ် ၃ ဖွဲ့ သည် ချင်းရွှေဟော်မြို့ ကို သိမ်းပိုက်နိုင်ခဲ့ကြောင်း MNDAA ပြောရေးဆိုခွင့်ရှိသူ လီကျာဝင်းက သျှမ်းသံတော်ဆင့်ကို ပြောသည်။

“ချင်းရွှေဟော်မြို့မှာတော့ ကျနော်တို့ တပ်ထိုင်ထားပါတယ်။ စစ်ကောင်စီလုံးဝမရှိတော့တဲ့ အနေအထားဖြစ် ပါတယ်”ဟု လီကျာဝင်း ကဆိုသည်။

ဆက်လက်ပြီး ယခုချိန်ထိ သျှမ်းပြည် မြောက်ဘက်တွင် စခန်းသိမ်းတိုက်ပွဲကို ဆက်လက်ဖော်ဆောင်နေပြီး လက်ရှိအချိန်ထိ ချင်းရွှေဟော်မြို့ကို လုံးဝ ထိန်းချုပ်နိုင်ထားသည့် အနေထားတွင် ရှိနေကြောင်း၊ သိန္နီမြို့နှင့် မုံးကိုဒေသကို အော်ပရေးရှင်းများ ဆက်လက်ဖော်ဆောင်နေကြောင်း ၎င်းက ဆက်လက်ပြောသည်။

MNDAA အနေဖြင့် ပြည်သူလူထု နှင့် စစ်ဘေးရှောင်များကို မထိခိုက်အောင် ဆောင်ရွက်နေပြီး၊ ညီနောင်မဟာမိတ် ၃ ဖွဲ့ လည်း ပြင်ပ လူသားချင်းစာနာထောက်ထားမှု လုံးဝမရှိသေးသော်လည်း သက်နိုင်သမျှ ကူညီဆောင်ရွက်နေကြောာင်း သိရသည်။

တိုက်ပွဲအတွင်းတွင်လည်း ပြည်သူများကို ဦးဆောင်၍ ညီနောက်မဟာမိတ် ၃ ဖွဲ့က အေးချမ်းတဲ့ နေရာကို ခေါင်သွားပေးကြောင်း MNDAA ပြောရေးဆိုခွင့်ရှိသူ လီကျာဝင်းက ပြောသည်။

“ဒီအကြောင်းနဲ့ပတ်သပ်ပြီးတော့ လူတွေက ကျနော်တို့ဖမ်းဆီးခေါ်ဆောင်သွားတယ်လို့ အမဲစက်တင်ကြတယ်။ ဒီမှာထပ်ပြောချင်တာက ကျနော်တို့က ပြည်သူလူထု အပေါ်လုံးဝ ဖမ်းဆီးတာမတို့မရှိပါဘူး။ကျနော်တို့ ငြိမ်းချမ်းတဲ့နေရာကို ပိုပေးကြတယ်” ဟု ၎င်းကပြောသည်။
စစ်ကောင်စီကျဆုံးမှု နှင့် သိမ်းဆည်းရရှိသည့် လက်နက်ခဲယမ်း အားလုံးကို စရင်းပြုစုနေဆဲဟု MNDAA ပြောရေးဆိုခွင့်ရှိသူ လီကျာဝင်းက ပြောသည်။

“စစ်ကောင်စီရဲ့ ထိခိုက်ကျဆုံးမှုကတော့ ခန့်မှန်းချေအရ ရာနဲ့ချီနေပါပြီ၊ သိမ်းဆည်းရရှိမိတဲ့ လက်နက်ခဲ့ ယမ်းများ ကို ဘယ်ကထုတ်လဲ၊ ဘာအမျိုးအစားလဲဆိုတာကိုတော့ ခုချိန်ထိ အတည်မပြုနိုင်သေးပါဘူ” ဟု ၎င်း ကပြောသည်။

မြန်မာအမျိုးသားဒီမိုကရက်တစ် မဟာမိတ်တပ်မတော်ကိုးကန့်(MNDAA)သည် အောက်တိုဘာလ ၂၉ ရက်တွင် စစ်ရေးလှုပ်ရှားမှုများ ဆက်လက်လုပ်ဆောင်လာပြီး ကိုးကန့် ၊ မုံးကိုး ၊ လားရှိုး ၊ မူပန် ၊ နမ့်ဆလပ်စသည့်နေရာရှိ စစ်ကောင်စီ၏တပ်စခန်းပေါင်း(၁၁)ခုကို တိုက်ခိုက်သိမ်းယူပြီး စစ်သုံ့ပန်(၁၀)ဦးဖမ်းဆီးရရှိပါသည်။ ယခုလက်ရှိ သိမ်းယူနိုင်ခဲ့သော စစ်‌ကောင်စီတပ်စခန်းစုစုပေါင်းမှာ (၅၇)ခုရှိခဲ့ပါသည်။