Sunday, July 21, 2024

မိုင်းရယ် ဆိုင်ရှင်များထံ အမည်မသိလက်နက်ကိုင်တပ်ဖွဲ့မှ ကျည်ဆံတစ်ထောင်ဖြင့် ဆက်ကြေးတောင်းနေ

Must read


သျှမ်းပြည် မိုင်းရယ်မြို့တွင် အမည်မသိလက်နက်ကိုင်တပ်ဖွဲ့တစ်စုမှ ပြည်သူများဖွင့်လှစ်ထားသည့် ဆိုင်များထံ ဆက်ကြေးကို ခြိမ်းခြောက် ကောက်ယူနေကြောင်း စုံစမ်းသိရသည်။

မိုင်းရယ်မြို့

သျှမ်းပြည် မိုင်းရယ်မြို့တွင် ပြီးခဲ့သည့် အောက်တိုလာလ ၂၆ရက်၌ အမည်မသိလက်နက်ကိုင်တပ်ဖွဲ့က ဆိုင်များထံ ဆက်ကြေး ကျပ်သိန်း (၅၀)ပေးရန် အတွက် စာရွက်တွင် Kpay ဖုန်းနံပါတ်ရေးသားပြီး ကျည်ဆံတစ်ထောင့်ဖြင့် ခြိမ်းခြောက်စာလာရောက်ပို့ကြောင့် မိုင်းရယ်ဒေသခံ အမျိုးသား တစ်ဦးက သျှမ်းသံတော်ဆင့်ကိုပြောသည်။

“ ဆက်ကြေးပေးဆောင်ဖို့ အတွက် တရုတ်လိုရေးထားတဲ့စာနဲ့ ကျည်ဆံတစ်ထောင်ပတ်ထားတဲ့ ပလက်စတစ်အိတ် လာပေးသွားတယ်။ စာထဲမှာတော့ ကျပ်သိန်း (၅၀)ပေးဖို့ Kpay နံပါတ်ပါထည့်ရေးထားတယ်။”ဟု ၎င်းအမျိုးသားတစ်ဦးက ဆိုသည်။

အဆိုပါ မိုင်းရယ်တွင် လှုပ်ရှားနေသည့် အမည်မသိ လက်နက်ကိုင်တပ်ဖွဲ့သည် ဒေသခံ စျေးဆိုင်များ၏ ဆိုင်းဘုတ်တွင်ရေးထားသော ဖုန်းနံပါတ်နှင့် ဆိုင်အမည်များကို မှတ်ယူပြီး လာရောက်ပို့ဆောင်ခြင်းဖြစ်ကြောင်း ဒေသခံများက ပြောပြသည်။

“ကျမတို့ ဆိုင်ရဲ့ ဆိုင်းဘုတ်တွေကို ပေါ်ထင် မတင်ရဲဘူး။ မထားရဲဘူး။ အခုက ဘယ်သူမှန်းမသိ လက်နက်တွေကလည်း အလွယ်တကူဝယ်လို့ရတော့ အခွင့်ကောင်းယူပြီး ဓားပြတိုက်နေသလိုပဲ” ဟု ဒေသခံ အမျိုးသမီး တစ်ဦးက သျှမ်းသံတော်ဆင့်ကို ပြောသည်။

ပြီးခဲ့သည့် အောက်တိုဘာလပိုင်းအစ တွင်လည်း မိုင်းရယ်မြို့နယ် ဟိုယကျေးရွာအုပ်စုအတွင်း အရပ်ဝတ်ထားပြီး မျက်နှာဖုံးစွပ်ထားသည့် လူတစ်စုသည် ဈေးဆိုင်ဖွင့်လှစ်ရောင်းချသူများထံ တရုတ်စာဖြင့် ရေးသားထားသော စာအိတ်ပေးပြီး တစ်ဆိုင်လျှင် ကျပ်သိန်း ၁၀၀ ကို အောက်တိုဘာ ၁၉ရက်တွင် နောက်ဆုံးပေးပြီး ဆောင်ရန် ခြိမ်းခြောက်ပြောဆိုခဲ့သေးသည်။


Leave a Comments

- Advertisement -spot_img

Latest article