မြန်မာ-တရုတ်နယ်စယ်ဒေသ တလျောက်ရှိ မူဆယ်မြို့နှင့် နမ့်ခမ်းမြို့တွင် ဖုန်းလိုင်းပြတ်တောက်မှုနေကြောင်း ဒေသခံများထံ စုံစမ်းသိရသည်။
ယမန်နေ့ (အောက်တိုဘာလ ၂၇ရက်) တိုက်ပွဲဖြစ်ပွားချိန်မှစပြီး MTP ဆင်းကဒ် အသုံးပြုသူများသည် ဖုန်းလိုင်း ဖြတ်တောက်ခံရကာ လက်ရှိအချိန်ထိ ဆက်သွယ်၍ မရသေးကြောင်း မူဆယ်မြို့ဒေသခံအမျိုးသားတစ်ဦးက သျှမ်းသံတော်ဆင့်ကို ပြောသည်။
“ မနေ့ညတညလုံးဖုန်းလိုင်းတွေအကုန် ပိတ်ခံရတယ်။ ဒီနေ့ထိလည်း ဖုန်းလိုင်းတွေမရသေးဘူး။ ယနေ့က တိုက်ပွဲကြောင့် သူတို့ဖုန်းလိုင်းတွေ အကုန်ဖြတ်လိုက်တာ။ အခုတော့ ဝိုင်ဖိုင်နဲ့သုံးပြီး ပြောနေတယ် “ ဟု မူဆယ်မြို့ ဒေသခံအမျိုးသားတစ်ဦးက ပြောသည်။
လက်ရှိမှာ စစ်ကောင်စီ၏ Mytel ဆင်းကဒ်တခုသာ ဖုန်းလိုင်းရှိနေပြီး အချို့နေရာဒေသတွင် တယ်လီနော်( Telenor) ဆင်းကဒ်များ ရရှိသော်လည်း လက်ရှိအချိန်တွင် ဖုန်းလိုင်း တစ်ခုမျှမရရှိပေ။
