အာဏာသိမ်းခေါင်းဆောင်မင်းအောင်လှိုင်နှင့်ဇနီးဖြစ်သူတို့ တက်ရောက်ခဲ့သည့် အင်းလေးဖောင်တော်ဦးဘုရားပွဲတွင် စည်တော်တီးရာမှ စည်ပေါက်ထွက်ခဲ့ကြောင်း ဒေသခံများထံမှ သတင်းရရှိသည်။
ယခုလ (အောက်တိုဘာ ၂၁)ရက်တွင် အာဏာသိမ်းစစ်ခေါင်းဆောင် မင်းအောင်လှိုင်နှင့်ဇနီးတို့ ဖောင်းတော်ဦးဘုရားပွဲတက်ရောက်ခဲ့ပြီး အောက်တိုဘာ ၁၉ရက်တွင် အင်းလေးဖောင်တော်ဦးဘုရား ဒေသစာရီ အပူဇော်ခံချိန် ဟဲဟာရွာမမှ ငါးဖယ်ချောင်းသို့ ကြွချီစဉ် ငါးဖယ်ချောင်းတွင် စည်တော်တီးကြရာ၌ စည်တော်ပေါက်ကွဲသွားခဲ့ကြောင်း သိရသည်။
ယခုလို စည်တော်ပေါက်သည်ကို မြန်မာ့ဗေဒင်နက္ခတ် သဘောတရားများအရ “ထီးကျိုးစည်ပေါက် ထီးနန်းပျောက်”တဘောင်အရ လက်ရှိအုပ်ချုပ်နေသူ ဘုရင်(သို့)မင်းသည် ပါပဂြိုလ်ဆိုးဝင်ရောက်စီးနင်းသည့်အတွက် စည်တိုင်ပေါက်ခြင်းဖြစ်သည်ဟုလည်း အင်းလေးမြို့ခံ ဗေဒင်နက္ခတ်ကျွမ်းကျင်တွက်ချက်တက်သူများထံမှ သိရသည်။
“ဖောင်တော်ဦးဘုရားပွဲကျင်းပခဲ့တဲ့အခါတိုင်း အခုလိုစည်ပေါက်ဖူးတာ ငယ်ကတည်းကမကြုံဖူးသေးဘူး အကောင်းကနေ အပျက်ဖြစ်သွားတဲ့သဘောဟာ မကောင်းတဲ့အဖြစ်အပျက်ပါ နမိတ်တွေဆိုတာ ရှိပြီးသားပါ မယုံကြည်လို့မရဘူး တိုင်းပြည်အတွက်လည်းမကောင်းပါဘူး”ဟု ညောင်ရွှေမြို့ခံဗေဒင်နက္ခတ် တွက်ချက်တက်သူတစ်ဦးမှ ပြောသည်။
၃နှစ်တာ ရပ်နားခဲ့ရသည့် အင်းလေးဖောင်တော်ဦး ဘုရားပွဲကို ယခုနှစ်တွင် ပြန်လည်ကျင်းပခွင့်ရသည့်နှစ်တွင် ယခုလို စည်ပေါက်ခြင်းကို ကြုံတွေ့ခဲ့ကြောင်း ဒေသခံများထံမှ သိရသည်။
Leave a Comments