သျှမ်းပြည် လင်းခေးမြို့နယ် ဝမ်ဟတ်ရွာတွင် မီးရှူးမီးပန်း ပေါက်ကွဲမှုကြောင့် လူ ၂ ဦး သေဆုံးခဲ့ကြောင်း ဒေသခံများထံမှ စုံစမ်းသိရသည်။
ယနေ့(အောက်တိုဘာ ၁၈ ရက်) နံနက် ၉ နာရီခန့်တွင် လင်းခေးမြို့နယ် ဝမ်ဟတ်ရွာ၌ နေထိုင်သည့် စိုင်းဆိုင်လင်း ဆိုသူသည် နံနက်ဈေးရောင်းပြီး နေအိမ်သို့ ရောက်ရှိသော်လည်း သုံးဘီးဆိုင်ကယ်ပေါ် မီးရှူးမီးပန်းများ ဆက်တင်ထားသည်။
ထိုသုံးဘီးဆိုင်ကယ်သည် ဝါယာရှောခ့်ကြောင့် မီးရှူးမီးပန်းရှိ ယမ်းများသို့ ကူးစက်ပြီး ပေါက်ကွဲမှုဖြစ်ခဲ့ပြီး အသက် (၄၀)အရွယ် စိုင်းဆိုင်လင်း နှင့် အသက် (၆၀)အရွယ် ဒေါ်လမ်တို့ ပွဲချင်းပြီးသေဆုံးသွားခဲ့ကြောင်း ဒေသခံတစ်ဦးက သျှမ်းသံတော်ဆင့်ကို ပြောသည်။
“သုံးဘီးဆိုင်ကယ်က ဝါယာရှော့ခ်ဖြစ်ပြီး မီးရှူးမီးပန်းက ယမ်းကို သွားထိတာ။ အဲ့မှာ နေအိမ်ကိုလည်း ကူးတော့ စိုင်းဆိုင်လင်းရဲ့ ခြေထောက်တစ်ဖက် ပြတ်ပြီး သေဆုံးသွားတယ်။ နောက်ပေါက်ကွဲမှုကြောင့် သူ့အိမ်နီးချင်း နန်းလမ် ကလဲ ထိတ်လန့်ပြီးသေသွားတယ်” ဟု ၎င်းကဆိုသည်။
ယခုအချိန်သည် သီတင်းကျွတ်ကာလ ရောက်ရှိပြီဖြစ်တာကြောင့် လူကြီးလူငယ်များအနေဖြင့် မီးရှူးမီးပန်းနှင့် ဗျောက်အိုးများကို ဆော့ကစားလျှင် သတိထားကြရန်ဖြစ်သည်
Leave a Comments