သျှမ်းပြည် နောင်ချိုမြို့နယ် ဒိုးပင်ရွာအနီး ပြင်ဦးလွင်-မိုးကုတ်ကားလမ်းတွင် စစ်ကောင်စီတပ်နှင့် မန္တလေးPDFတို့ တိုက်ပွဲဖြစ်ပွားခဲ့သည့်အတွက် ဒေသခံများက လုံခြုံရေးအခြေအနေ စိုးရိမ်နေကြကြောင်း စုံစမ်းသိရှိရသည်။
အောက်တိုဘာလ ၉ ရက်တွင် ပြင်ဦးလွင်-မိုးကုတ်လမ်းပေါ်ရှိ ဒိုးပင်ကျေးရွာအနီး စစ်ကောင်စီ၏ ခြေလျင်တပ်ရင်း ခလရ ၂၅၂ စစ်ကြောင်းနှင့် မန္တလေးPDF တို့ တစ်နေကုန် တိုက်ပွဲဖြစ်ပွားခဲ့ပြီး စစ်ကောင်စီတပ်မှ ၂၀ ယောက် သေဆုံးကာ ၃၀ ခန့်ဒဏ်ရာရရှိကြောင်း သိရှိရသည်။
သျှမ်းပြည် နောင်ချိုမြို့နယ် ဒိုးပင်ရွာအနီး ပြင်ဦးလွင်-မိုးကုတ်ကားလမ်းတွင် စစ်ကောင်စီတပ်နှင့် မန္တလေးPDFတို့ တိုက်ပွဲဖြစ်ပွားခဲ့သည့်အတွက် ဒေသခံများက လုံခြုံရေးအခြေအနေ စိုးရိမ်နေကြကြောင်း စုံစမ်းသိရှိရသည်။
အောက်တိုဘာလ ၉ ရက်တွင် ပြင်ဦးလွင်-မိုးကုတ်လမ်းပေါ်ရှိ ဒိုးပင်ကျေးရွာအနီး စစ်ကောင်စီ၏ ခြေလျင်တပ်ရင်း ခလရ ၂၅၂ စစ်ကြောင်းနှင့် မန္တလေးPDF တို့ တစ်နေကုန် တိုက်ပွဲဖြစ်ပွားခဲ့ပြီး စစ်ကောင်စီတပ်မှ ၂၀ ယောက် သေဆုံးကာ ၃၀ ခန့်ဒဏ်ရာရရှိကြောင်း သိရှိရသည်။
“ကျနော်တို့ကတော့ ဒီ ၂၀၂၃ နှစ်စတည်းက တိုက်ပွဲတွေ အရှိန်မြှင့်ပြီးတော့ လုပ်ဆောင်နေတာဖြစ်ပါတယ်။ ရှေ့လျှောက်လဲ ဒီထက်ပိုပြီးတော့ တိုက်ပွဲအရှိန်ကို မြှင့်တင်ဖို့ပဲ ပြင်ဆင်နေပါတယ်”ဟု လက်ရှိတိုက်ပွဲအခြေအနေများနှင့် ပတ်သက်ပြီး မန္တလေးPDFတပ်ဖွဲ့၏ ပြောရေးဆိုခွင့်ရှိသူ ကိုအော်စမွန်က သျှမ်းသံတော်ဆင့်ကို ပြောသည်။
လွန်ခဲ့သောရက်ပိုင်းက ပြင်ဦးလွင်-မိုးကုတ်ကားလမ်းပေါ်ရှိ ဟိုခိုကျေးရွာတစ်ဝိုက်တွင် စစ်ကောင်စီတပ်မှ ကင်းလှည့်သွားလာနေပြီး ဟိုခိုနှင့်ဒိုးပင်ရွာသည် ၇ မိုင်ခန့်သာ ကွာဝေးသဖြင့် လုံခြုံရေးအခြေအနေ စိုးရိမ်ရသည်ဟု နောင်ချိုမြို့ ဟိုခိုရွာ ဒေသခံတစ်ဦးက သျှမ်းသံတော်ဆင့်ကို ပြောသည်။
“တိုက်ပွဲဖြစ်တုန်းက ရွာထဲ အထိအခိုက်တော့ မရှိဘူး။ ကျွန်တော်တို့ရွာကတော့ ဘုန်းကြီးကျောင်းကိုပဲ စစ်ရှောင်သွားကြတယ်။ ၃ ရက်လောက်တော့ ရှောင်ရတယ်ဗျ။ တိုက်ပွဲထပ်ဖြစ်မှာတော့ စိုးရိမ်ရတယ်။ ဘာဖြစ်လို့ဆိုရင် အခုအခြေအနေက သိပ်မတည်ငြိမ်သေးတော့ စိုးရိမ်ရတယ်။ ကဆုန်လမှာ ပထမ စဖြစ်တုန်းကအချိန်လိုပဲ ပြန်စိုးရိမ်ရတယ်”ဟု နောင်ချိုမြို့ ဟိုခိုရွာ ဒေသခံတစ်ဦးက သျှမ်းသံတော်ဆင့်ကို ပြောသည်။
လက်ရှိတွင် ဒေသခံများမှာ လုံခြုံရေးစိုးရိမ်စိတ်ကြောင့် အခြေအနေစောင့်ကြည့်နေပြီး အချို့ဒေသခံများ၏ ပြောင်းစိုက်ခင်းများမှာ တောကောင်ဖျက်စီးမှုကြောင့် မရိတ်သိမ်းနိုင်ဘဲ ရှိနေသေးသည်ဟု သိရသည်။
ပြီးခဲ့သည့် ၂၀၂၃ ခုနှစ် ဧပြီလဆန်းပိုင်းကလည်း စစ်ကောင်စီတပ်နှင့် မန္တလေးPDF တို့ နောင်ချိုမြို့နယ်အတွင်း တိုက်ပွဲပြင်းထန်ခဲ့ပြီး စစ်ကောင်စီလက်နက်ကြီးကြောင့် နေအိမ်အချို့ ထိခိုက်ပျက်စီးခဲ့ရပြီး ထိုစဉ်က ဒေသခံ ၃ ထောင်ကျော် နေရပ်စွန့်ခွာ ထွက်ပြေးခဲ့ရသည်။
