ဒုတိယအကြိမ် ထိုင်းနိုင်ငံ ဝန်ကြီးချုပ် လွှတ်တော်အတွင်း မဲခွဲဝေ ဆုံးဖြတ်ရာမှာ ဝန်ကြီးချုပ်ဖြစ်ရန်အတွက် လုံလောက်သည့် မဲပမာဏ မရခဲ့လျှင် Pheu Thai Party ကို ဝန်ကြီးချုပ်အဖြစ် အမည် စာရင်းတင်သွားမည်ဟု Move Forward Party ခေါင်းဆောင် ဖိထား လင့်ဂျရုန်းရတ် မှ ပြောကြားသည်။

ဒီနေ့ ဇူလိုင် (၁၅) ရက် နေ့လည်ပိုင်းအချိန်မှာ Move Forward Party ခေါင်းဆောင် ဖိထား လင့်ဂျရုန်းရတ် မှ အထက်လွှတ်တော်အမတ်များထဲမှ ဖိထားကို (၁၃) မဲ ထောက်ခံခြင်း နှင့် ဝန်ကြီးချုပ်ဖြစ်ရန်အတွက် လွှတ်တော်အတွင်း ထောက်ခံသူ (၃၂၄) မဲ ကို ထောက်ခံမဲ ပေးသူကို ကျေးဇူးတင်ကြောင်း ၎င်းက ပြောဆိုခဲ့သည်။

ရွေးကောက်ပွဲ ရလဒ်အရ ပြည်သူ့ မဲအများဆုံး အနိုင်ရခဲ့သည့် Move Forward Party မှ အစိုးရသစ်ဖွဲ့ရန် တာဝန်ရှိသည့်အတွက် လုပ်ဆောင်သွားမည်ဟု ပြောကြားခဲ့သည်။

လာမယ့် ဇူလိုင် (၁၉) ရက်မှာလည်း ဒုတိယအကြိမ် ဝန်ကြီးချုပ် ကို အထက်လွှတ်တော်အတွင်း မဲခွဲ ဆုံးဖြတ်သွားမှာြဖစ်ပြီး ၎င်း ရက်မတိုင်ခင်မှာ MFP အနေဖြင့် အထက်လွှတ်တော်ရှိ အမတ်များကို ဆွေးနွေးမှု ပြုလုပ်ခဲ့ကြောင်း ပြောသည်။

အစိုးရသစ် ဖွဲ့စည်းနိုင်ရန်အတွက် ညွှန့်ပေါင်းပါတီ (၈) ဖွဲ့မှ ပူးပေါင်း ဖွဲ့စည်းရမည်ဖြစ်ပြီး ဒုတိယမဲ အများဆုံး အနိုင်ရသည့် Pheu Thai Party မှလည်း ဝန်ကြီးချုပ် ဝင်ရောက်ရွေးချယ်သွားမည်ကို အမည်စာရင်းတင်သွင်းထားကြောင်း သိရသည်။

ပြီးခဲ့သည့် ဇူလိုင် (၁၃) ရက်နေ့က ပထမအကြိမ် ဝန်ကြီးချုပ်ဖြစ်ရန်အတွက် အတွက် လွှတ်တော်မှ သတ်မှတ်ထားသည့် မဲပမာဏက (၃၇၆) မဲ ဖြစ်ပြီး လွှတ်တော်အမတ် ၇၀၀ ကျော်က ဝင်ရောက် မဲခွဲဆုံးဖြတ်ရာမှာ (၃၂၀) ကျော် သာ ထောက်ခံမဲရရှိခဲ့ပြီး ကန့်ကွက်မဲ (၁၄၈) မဲ၊ အထက်လွှတ်တော်ကိုယ်စားလှယ်မဲ (၁၂) မဲ နဲ့ ကြားနေမဲ (၁၉၈) မဲ ရှိခဲ့ပါသည်။

စစ်တပ်မှ ခန့်အပ်ထားသည့် အထက်လွှတ်တော် အမတ် (၂၅၀) ရှိခဲ့သည့်အတွက် ဖိထားအတွက် ဝန်ကြီးချုပ်ဖြစ်ရန် ရင်ဆိုင်နေရသည့် အဟန့်အတားတစ်ခုဖြစ်သည်။

ထိုင်းဘုရင်စနစ်ကို အကာအကွယ်ပေးထားသည့် ဥပဒေကို ပြင်မယ်လို့ ကြုံးဝါးထားသည့် Move Forward Party ခေါင်းဆောင် ဖိထား ကို ထိုင်းဒီမိုကရေစီစနစ်ကို ဖျက်လိုဖျက်ဆီး လုပ်နေသည်ဟုဆိုပြီး စစ်တပ်၏ အထက်လွှတ်တော်အမတ်များက စွပ်စွဲပြီး တခြားသော အမှုများနှင့် အရေးယူရန် ပြင်ဆင်ထားသည်။

ထို့အပြင် ဖိထား လင့်ဂျရုန်းရတ် ကို ဖျက်သိမ်းခံရပြီဖြစ်သည့် မီဒီယာကုမ္ပဏီ တစ်ခုမှာ အစုရှယ်ယာဝင်ထားသူဖြစ်သဖြင့် ရွေးကောက်ပွဲ စည်းကမ်းကို ဖောက်ဖျက်ခြင်း၊ ရွေးကောက်ပွဲမှာ ပါဝင်ဖို့ အရည်အချင်း မပြည့်မှီကြောင်း ဆိုပြီး အစိုးရဟောင်းအဖွဲ့က ဝိုင်းပြီး တိုင်ကြားတာတွေလည်း ရှိနေပါသည်။