သျှမ်းပြည် တန့်ယန်းမြို့ နှင့် ပန်ဆန်းမြို့ လမ်းကြားရှိ သံလွင်မြစ်ကမ်းခြေ၊ တောင်ပေါ်လမ်း တစ်နေရာတွင် ကားတစ်စီး တောင်ပေါ်တက်နေစဉ် ပေ ၄၀၀ အနက် ခြောက်ထဲပြုတ်ကျပြီး ယာဉ်မောင်းတစ်ဦး သေဆုံးသွားခဲ့ကြောင်း စုံစမ်းသိရသည်။

ယမန်နေ့ မေလ ဇွန် ၂၆ ရက် ညနေ ၅ နာရီအချိန်တွင် တန့်ယန်း – ပန်ဆန်း လမ်းကြားရှိ သံလွင်မြစ်ကမ်းခြေ၊ တောင်ပေါ်လမ်းတစ်နေရာတွင် ကားတစ်စီး တောင်ပေါ်တက်နေစဉ် ဂီယာမချိန်းမိသောကြောင့် ကားနောက်ပြန်ဆုတ်ပြီး ပေ ၄၀၀ အနက် ခြောက်ထဲပြုတ်ကျသွားပြီး ယာဉ်မောင်းတစ်ဦး သေဆုံးသွားခဲ့ကြောင်း ၎င်းကို သွားရောက်ကူညီသည့် တန့်ယန်းမြို့နယ် အရန်မီးသတ်ဖွဲ့အသင်းမှ ပြောသည်။

“ကားက တောင်ပေါ်ကို တက်နေရင်း အတက်မှာ ဂီယာချိန်းလိုက်တော့ ဂီယာက မဝင်တော့ဘူး။ ကားကနောက် ပြန်ဆုတ်ပြီး ခြောက်ထဲကို ကျသွားတာ။ ပေ ၄၀၀ အနက် ခြောက်ထဲကျသွားတာပေါ့။ ကားပေါ်က လိုက်လာတဲ့သူ ကလေးတစ်ယောက် နဲ့ အမျိုးသမီးတစ်ယောက်ပါတယ်။ အမျိုးသား နှစ်ယောက်ထဲက ယာဉ်မောင်း တစ်ယောက်ကတော့ ပွဲချင်းပြီးသွားတယ် “ ဟု ၎င်း အသင်းမှ တာဝန်ခံတစ်ဦးက ပြောသည်။

အဆိုပါ ပေ ၄၀၀ အနက် ခြောက်ထဲကျသွားသောကြောင့် ကလေးတစ်ဦးအပါအဝင် အမျိုးသမီး တစ်ဦး နှင့် အမျိုးသား တစ်ဦးသည် ထိခိုက်ဒဏ်ရာရရှိခဲ့ပြီး လားရှိုးဆေးရုံကြီးသို့ ပို့ဆောင်ပေးခဲ့ကြောင်း သိရသည်။

ထို့အပြင် မိဘပြည်သူများအနေဖြင့် တန့်ယန်း – ပန်ဆန်း လမ်းကြားရှိ တောင်ပေါ်လမ်း၌ ယာဉ်မောင်းပြီး သွားလာပါက ယာဉ်ကိုထိန်းပြီး သတိဖြင့် ဂရုစိုက်ပေးရန် ဒေသခံတစ်ဦးက ထပ်လောင်းပြောသည်။