Monday, July 22, 2024

တောင်ကြီး မိုးသက် လေပြင်းတိုက်ခတ်မှုကြောင့် မီးတိုင်များလဲကျ

Must read

သျှမ်းပြည် တောင်ကြီးမြို့တွင် မိုးသက်လေပြင်း တိုက်ခတ်ခဲ့မှုကြောင့် မီးတိုင်၊ ဖုန်းတိုင်များ လဲကျသွားကြောင်း သိရသည်။

လေပြင်းတိုက်ခတ်မှုကြောင့် ဖုန်းတိုင် မီးတိုင်များ ပျက်စီးခြင်း

ယမန်နေ့ မေလ ၁၅ ရက် နေ့လယ်ပိုင်း အချိန်တွင် မိုးသက်လေပြင်း ထပ်မံတိုက်ခတ်မှုကြောင့် အနောက်မြို့ ပတ်လမ်းရှိ ပြည်နယ် လဝက ရုံးရှေ့မှ ဖုန်းတိုင် (၂) တိုင်၊ ချမ်းသာရပ်ကွက်ရှိ သိမ်တောင် ဘုန်းကြီးကျောင်းမှ မီးတိုင် (၄) တိုင် နှင့် ဘုရားဖြူ – ရေတံခွန်ရွာလမ်းမှ မီးတိုင် (၁) တိုင် လဲကျခဲ့ပြီး အဆိုပါ မီးတိုင်များ လဲကျခြင်းကြောင့် မကြာခဏ မီးပြတ်တောက်မှုများ ဖြစ်ပေါ်နေကြောင်း တောင်ကြီး ဒေသခံတစ်ဦးက ပြောသည်။

“မနေ့ နဲ့ ရှေ့တစ်နေ့က တောက်လျောက် မီးက လာလိုက် ပြတ်လိုက်နဲ့ ဖြစ်နေတာ။ အတော်နေ လာလိုက်၊ (၅) မိနစ်လောက်နေ ပြတ်သွားလိုက်နဲ့ ဖြစ်နေတယ်။ မနေ့ ည (၅) နာရီလောက်မှ မီးပြန်လာတယ်။ အခုထိတော့ မီးက လာနေသေးတယ် “ ဟု ၎င်းက ပြောသည်။

ပြီးခဲ့သည့် မေလ ၁၃ ရက်မှ မေလ ၁၅ ရက်ထိ ၃ ရက်အတွင်း မိုးသက်လေပြင်း တိုက်ခိုက်မှုကြောင့် စဝ်စံထွန်းဆေးရုံ ခြံဝင်း အကာအရံ ပြိုကျခြင်း၊ ရပခ ရုံးဝန်းထဲရှိ ညောင်ပင်ကြီး လဲကျမှုကြောင့် ပညာရေး ကောလိပ် နှင့် ကပ်လျက်ရှိသော သက်သာ ပစ္စည်းအရောင်းဆိုင် ပျက်စီးခြင်း၊ မြို့မဈေးတောင်ဘက်ရှိ ညဈေးတန်း၊ ကုန်စိမ်းဈေး အမိုးလန်ခြင်း နှင့် မီးတိုင်၊ ဖုန်းတိုင်များ လဲကျခြင်း စသည်ဖြင့် ပျက်စီးမှု ရှိခဲ့သည်။

အလားတူ သျှမ်းပြည် တာချီလိတ်မြို့တွင်လည်း မုန်တိုင်းဝင်ရောက်မှုကြောင့် ရေကြီးရေလျှံ၊ မြေပြိုကျခြင်း ဖြစ်ပြီး ဇနီးမောင်နှံ ၂ ဦးသေဆုံးသွားခဲ့သည်။

Leave a Comments

- Advertisement -spot_img

Latest article