Sunday, July 14, 2024

တာချီလိတ်တွင် ရေကြီးရေလျှံ၊ မြေပြိုမှုဖြစ် ဇနီးမောင်နှံ ၂ ဦးသေဆုံး

Must read

သျှမ်းပြည် တာချီလိတ်ခရိုင် တာချီလိတ်မြို့တွင် ယနေ့ (မေလ ၁၄ ) ရက် နံနက် ၄ နာရီအချိန်မှစပြီး ရေကြီးရေလျှံမှု မြေပြိုမှုကြောင့် ဇနီးမောင်နှံ ၂ ဦး သေဆုံးခဲ့ကြောင်း စုံစမ်းသိရသည်။

မြေပြိုမှုဖြစ်ပွားခြင်း

ယနေ့ (မေလ ၁၄ ) ရက် နံနက်ပိုင်း ၆ နာရီအချိန် တာချီလိတ်မြို့ ဆန်ဆိုင်း (ခ)၊ ဝမ်မိုင် ရပ်ကွက်သစ်အတွင်း နေအိမ်တစ်လုံးပေါ်သို့ မြေပြိုကျခြင်းကြောင့် အိပ်ပျော်နေသည့် ဇနီးမောင်နှံ ၂ ဦး သေဆုံး သွားခဲ့ကြောင်း ဦးလှမိုး (တာချီလိတ်) လူမှုကူညီရေးအသင်းမှ သွားရောက်ကူညီခဲ့ကြောင်း သိရသည်။

“ ဒီနေ့ မနက်က အကူညီတောင်းခံလာတယ်။ ဆန်ဆိုင်း (ခ)၊ ဝမ်မိုင်ရပ်ကွက်မှာ နေအိမ်တစ်လုံး မြေပြိုကျသွားလို့ အိပ်ပျော်နေတဲ့ ဇနီးမောင်နှံ ၂ ဦး သေဆုံးသွားခဲ့တယ် “ ဟု ၎င်းမှ လူမှုကွန်ရက် စာမျက်နှာပေါ်တွင် ရေသားဖော်ပြထားသည်။

အလားတူ တာချီလိတ်မြို့ပေါ် မယ်ဆိုင်ချောင်းနှင့် နီးသည့် ရပ်ကွက်အချို့တွင်လည်း ရေကြီးရေလျှံ ဖြစ်ပွားနေကြောင်း သိရသည်။

မြေပြိုမှုဖြစ်ပွားခြင်း

အဆိုပါ ရေကြီးရေလျှံမှုများ ဖြစ်ပွားခြင်းဟာ တောင်ကျရေကြောင့် မဟုတ်ဘဲ ချောင်းရေလျှံခြင်းကြောင့် ဖြစ်ပြီး ပုန်းထွန်ရပ်ကွက်၊ တာလော့ရပ်ကွက်၊ မကာဟိုခမ်းရပ်ကွက် စသည့် ရပ်ကွက်များတွင် ရေကြီးရေလျှံဖြစ်ပွားခဲ့၍ ယနေ့ နံနက် (၇) နာရီ ဝန်းကျင်ခန့်တွင် ရေများပြန်လည်ကျဆင်းသွားခဲ့ကြောင်း သိရသည်။

ယမန်နေ့ မေလ ၁၃ ရက် ညပိုင်းအချိန် တာချီလိတ်မြို့တွင် မိုးသည်းထန်စွာ ရွာသွန်းခဲ့မှုကြောင့် ချောင်းရေလျှံပြီး တာချီလိတ်မြို့ပေါ် မယ်ဆိုင်ချောင်းနှင့် နီးသည့် ရပ်ကွက်အချို့ အပါအဝင် မကာဟိုခမ်းရပ်ကွက်အတွင်း မေဖလားဝါးကွင်း၌ ရေကြီးရေလျှံမှုများနှင့်အတူ နမ့်ယွန်းချောင်းရှိ အမှိုက်များမှ လူနေအိမ်နှင့် လမ်းပေါ်များသို့ ရောက်ရှိလာခြင်း ဖြစ်သည်။

လက်ရှိမှာ ရေကြီးရေလျှံမှု ဖြစ်ပွားသည့် ရပ်ကွက်အချို့တွင် ရေများပြန်လည် ကျဆင်းသွားခဲ့ပြီး အမှိုက်နှင့် ရွှံ့၊ နှုန်းများ ကျန်ရစ်နေသေးကြောင်း သိရသည်။

Leave a Comments

- Advertisement -spot_img

Latest article