Saturday, September 30, 2023

ပင်လောင်းမြို့နယ် နမ့်နိန်းကျေးရွာအတွင်း ဒေသခံ ၁၁ ဦး ပျောက်ဆုံးနေ

Must read

သျှမ်းပြည် တောင်ကြီးခရိုင် ပင်လောင်းမြို့နယ် နမ့်နိန်းကျေးရွာ (ဝၢၼ်ႈၼမ့်ၼဵၼ်ႈ) အတွင်း ဒေသခံ ၁၁ ဦး ပျောက်ဆုံးနေလျက် ရှိကြောင်း စုံစမ်းသိရှိရသည်။

လက်နက်ကြီး ကျည်ကြောင့် နေအိမ်များ ထိခိုက်ပျက်စီးပုံ

အဆိုပါ ဒေသခံ ၁၁ ဦးသည် မတ်လ ၁၁ ရက်နေ့က စစ်ကောင်စီသည် နမ့်နိန်းကျေးရွာအတွင်း ဝင်ရောက်လာပြီး ဘုန်းကြီး ၃ပါး နှင့် အရပ်သား ၁၉ ဦးကို အစုလိုက်အပြုံလိုက် သတ်ဖြတ်ခဲ့ပြီး အရပ်သား ၁၁ ဦးလည်း ယနေ့ထိ ပျောက်ဆုံးနေသေးကြောင်း သိရသည်။

“အဲ့နေ့ကတည်း ပျောက်သွားတယ်။ ကျနော်တို့ ဝင်သွားတာတော့ အလောင်းက သံဃာ အပါအဝင်၂၂ လောင်းတွေ့ခဲ့တာ။ ဒေသခံ ၁၁ ယောက်လောက်တော့ အခုထိ ပျောက်နေသေးတယ်။ ပြန်မတွေ့သေးဘူး။ ကျနော်တို့လည်း ရှာလို့မတွေ့သေးဘူး။ စစ်ကောင်စီက အဲ့ရွာထဲဝင်လာပြီးတော့ ဒေသခံတွေကို သတ်ခဲ့ပြီးတော့ ကျန်တဲ့သူကို ဖမ်းသွားတာလည်း ဖြစ်နိုင်တယ်”ဟု PNPF –KK ခွန်ဘင်ဂျမင်က သျှမ်းသံတော်ဆင့်ကို ပြောသည်။

အဆိုပါ ၁၁ ဦးကို ယနေ့ မတ်လ ၁၇ ရက်နေ့ထိ ရှာမတွေ့သေးသည့်အတွက်ကြောင့် စစ်ကောင်စီက ဒိုင်းကာအဖြစ် ဖမ်းဆီးသွားကြောင်း သိရသည်။

“ကျနော်တို့ အခုထိ ရှာနေတာတော့ ပြန်မတွေ့သေးဘူး။ စစ်ကောင်စီက သူတို့ကို ဖမ်းသွားပြီးတော့ ဒိုင်းကာအဖြစ်ခေါ်သွားတယ်လို့ပြောတယ်။ သူတို့က ပြည်သူတွေကိုခေါ်ပြီး တော့ ဒိုင်းကာအဖြစ် ဖမ်းခေါ်တာတော့ လူ့အခွင့်ရေး ချိုးဖောက်တယ်လို့မြင်တယ်” ဟု ခွန်ဘင်ဂျမင်က ပြောသည်။

အလားတူ ယမန်နေ့တွင်လည်း ပင်လောင်းမြို့နယ် နမ့်နိန်းကျေးရွာအနီး တိုက်ပွဲဆက်ဖြစ်ပွားခဲ့ပြီး စစ်ကောင်စီက ပြည်သူများကို ဒိုင်းကာအဖြစ် အသုံးပြုနေသည်ကို ကရင်နီ တော်လှန်ရေး တပ်ပေါင်းစု KRU ပြန်ကြားရေး ကိုလင်းလင်းက ပြောသည်။

ပင်လောင်းမြို့နယ်တွင် မတ်လက စစ်ကောင်စီ နှင့် ပြည်သူ့ကာကွယ်ရေးတပ်ဖွဲ့တို့ တိုက်ပွဲဖြစ်ပွားခဲ့ရာတွင် ဒေသခံပြည်သူ စုစုပေါင်း (၂၆) ဦး သေဆုံးသွားခဲ့ကြောင်း သိရသည်။

ပြီးခဲ့သည့် မတ်လ ၁၅ ရက်နေ့တွင် စစ်ကောင်စီ ဒု – ဗိုလ်ချုပ်မှူးကြီး စိုးဝင်းကလည်း ကယားပြည်နယ်တစ်ဝှမ်း လုံခြုံရေးတင်းကြပ်ရာတွင် လက်နက်ခဲယမ်းများကို အပြည့်အဝ အသုံးချရန်အတွက် တပ်မတော်သားများကို မှာကြားခဲ့သည်။

Leave a Comments

- Advertisement -spot_img

Latest article