Thursday, May 30, 2024

တောင်ကြီး နိုင်ငံကူး လက်မှတ်ထုတ်ပေးရုံး ပြန်လည်ဖွင့်လှစ်မည်

Must read

သျှမ်းပြည် တောင်ကြီးခရိုင် တောင်ကြီးမြို့ရှိ နိုင်ငံကူး လက်မှတ်ထုတ်ပေးရေး ရုံးသည် ဖေဖော်ဝါရီ (၂၇) ရက်မှ စတင်ပြီး ပြန်လည်ဖွင့်လှစ်မည်ဖြစ်ကြောင်း စုံစမ်း သိရှိရသည်။

နိုင်ငံကူးလက်မှတ်ထုတ်ပေးရေးရုံး

၂ လ နီးပါးကြာ ပိတ်ထားသည့် နိုင်ငံကူး လက်မှတ်ထုတ်ပေးရေး ရုံးကို ယခု ဖေဖော်ဝါရီ ၂၄ ရက်မှ စတင်၍ www.passport.gov.mm Website မှ Online Booking စနစ်သစ်ဖြင့် ကိုယ်တိုင်လျှောက်ထားနိုင်မည် ဖြစ်ကြောင်း ပြည်နယ်/တိုင်းဒေသကြီးများရှိ ရုံးခွဲများကို ယခင်လျှောက်ထားမှု လုပ်ငန်းစဉ်အတိုင်း ဆောင်ရွက်ရမည် ဖြစ်ကြောင်း စစ်ကောင်စီမှ ယနေ့ ဖေဖော်ဝါရီ ၂၃ ရက်တွင် ထုတ်ပြန်ထားပါသည်။

ထိုအပြင် တောင်ကြီး နိုင်ငံကူး လက်မှတ်ထုတ်ပေးရေး ရုံးကို ယခု ဖေဖော်ဝါရီ (၂၇) ရက်မှစတင်ပြီး ပြန်လည်ဖွင့်လှစ်မည် ဖြစ်ပြီး လာရောက်လျှောက်ထားသူများအတွက် မှတ်ပုံတင် မူရင်း နှင့် အိမ်ထောင်စုဇယား မူရင်း နှင့်အတူ လာရောက်လျှောက်ထားနိုင်ပြီဖြစ်ကြောင်း တောင်ကြီးဒေသခံ ပတ်စပို့လုပ်ပေးသူ အမျိုးသားတစ်ဦးက ပြောသည်။

“ မနက်ဖြန်တော့ မဖွင့်လောက်သေးဘူးဗျ။ အွန်လိုင်းလင့်ခ် တွေကို ရန်ကုန်မှာ အရင်စမှာ ဖြစ်ပါတယ်။ လုပ်ပေးတာတော့ မလုပ်ပေးသေးဘူး၊ Online Booking စနစ်ကို အရင်လာလျှောက်ခိုင်းတာဗျ။ တောင်ကြီး မှာတော့ အခုလ ဖေဖော်ဝါရီ ၂၇ ရက်နေ့မှ စလုပ်ပေးမှာ ဖြစ်တယ်ဗျ။ အရင်အတိုင်း လူအရောက်လာလျှောက်ရမယ် “ ဟု ၎င်း ကပြောသည်။

အဆိုပါ နိုင်ငံကူး လက်မှတ်ထုတ်ပေးခြင်း နှင့် ပတ်သက်ပြီး စာအုပ်ထုတ်ပေးရေး ကုန်ကျစရိတ် ဘယ်လောက်ကျမည်ကိုတော့ မသိရကြောင်း ၎င်းက ဆက်ပြောသည်။

တောင်ကြီး နိုင်ငံကူးလက်မှတ် ထုတ်ပေးရေး ရုံးသည် ဇန်နဝါရီ (၂) ရက်မှ စပြီး ယနေ့ထိ ၂ လ နီးပါးကြာ ပိတ်ထားသည့်အတွက် အမှန်တကယ် ပြန်လည်ဖွင့်လှစ်လာလျှင် လျှောက်ထားသူများ အနေဖြင့် ယခင်ထက် ပိုမိုခက်ခဲလာနိုင်ကြောင်း ပတ်စပို့လုပ်ပေးသူ အမျိုးသားတစ်ဦးက ထပ်လောင်းပြောသည်။

“ လျှောက်ဖို့က နည်းနည်း ခက်ခဲဖို့ရှိတယ်။ ဘာလို့လဲဆိုတော့ ၂ လ လောက်ပိတ်ထားပြီး အလုပ်သမားတွေ များတော့ လုပြီးဝင်မယ့် သဘောတော့ရှိတယ်။ စာအုပ်အဟောင်းရှိတဲ့သူ၊ စာအုပ်အသစ် လုပ်ချင်တဲ့သူတွေ အကုန်ပြန်လုပ်ပေးမယ်လို့တော့ ကြားထားပါတယ် “ ဟု ၎င်းက ပြောသည်။

စစ်တပ်က အာဏာသိမ်းပြီး (၂) နှစ်ကျော် ကာလအတွင်းမှာ နိုင်ငံရေး အခြေအနေ မငြိမ်မှုကြောင့် စီးပွားရေး၊ လူမှုရေး၊ ပညားရေး နှင့် အလုပ်အကိုင် အခွင့်အလမ်း ရှားပါးလာကာ အခြေခံလူတန်းစားများက ပြည်ပထွက်ပြီး အလုပ်လုပ်ကိုင်ချင်ကြကြောင်း သိရသည်။

Leave a Comments

- Advertisement -spot_img

Latest article