Thursday, April 18, 2024

ယာဥ်မောင်းမကျွမ်းကျင်မှုကြောင့် လားရှိုး အမျိုးသမီးငယ် ယာဥ်တိုက်သေဆုံးမှုဖြစ်

Must read

သျှမ်းပြည် လားရှိုးခရိုင် လားရှိုးမြို့ ကမ္ဘောဇဘဏ်ရှေ့တွင် ယမန်နေ့ (ဇန်နဝါရီ ၁၃) ရက် ညနေ ၃ နာရီတွင် ကားတစ်စီးသည် ရပ်တန့်ရန်အတွက် ဘရိတ်နှင့် လီဘာ မှားနင်းမိရာ အမျိုးသမီး (၂) ဦးကို တိုက်မိခဲ့ပြီး ထိုထဲမှ အမျိုးသမီး တစ်ဦး သေဆုံးခဲ့ကြောင်း သတင်းရရှိခဲ့သည်။

လားရှိုးယာဥ်မောင်းမကျွမ်းကျင်မှုကြောင့်အမျိုးသမီး သေဆုံး

ဖြစ်စဥ်မှာ ယမန်နေ့ (ဇန်နဝါရီ ၁၃) ရက် ညနေ ၃ နာရီ တွင် လားရှိုးမြို့ ကမ္ဘောဇဘဏ်ရှေ့တွင် ကားတစ်စီး ရပ်တန့်ရန်အတွက် ဘရိတ် နှင့် လီဘာ မှားနင်းမိရာ ထိုအနီးရှိ အမျိုးသမီး (၂) ဦး ကို တိုက်မိခဲ့ပြီး၊ ဆေးရုံပို့ဆောင် လိုက်ရာ ညပိုင်းတွင် အမျိုးသမီး တစ်ဦး သေဆုံးသွားခဲ့ကြောင်း လားရှိုးဒေသခံ အမျိုးသားတစ်ဦးက သျှမ်းသံတော်ဆင့်ကိုပြောသည်။

“ စိတ်မကောင်းဘူး။ ဆေးရုံပို့ပြီး နာရီဝက်လောက်မှာ ဆုံးသွားတယ်။ ကျန် အမျိုးသမီးတယောက် တော့ ဆေးရုံမှာပဲရှိသေးတယ်။ သေဆုံးသွားတဲ့ ကလေးမ က အသက် ငယ်သေးတယ်” ဟု လားရှိုးဒေသခံ အမျိုးသားက ဆိုသည်။

အဆိုပါ ယာဥ်တိုက်မှု ကျူးလွန်သည့် အမျိုးသားကို လက်ရှိမှာ ဖမ်းဆီးရမိထားကြောင်း လည်းသိရသည်။

ယာဥ်မောင်းမကျွမ်းကျင်မှုကြောင့် အမျိုးသမီးသေဆုံးမှုဖြစ်

ထိုဖြစ်စဥ် နှင့် ပတ်သက်ပြီး အထက်ပါ ပုဂ္ဂိုလ် က “ကားမောင်းတဲ့သူက အခုမှ ကားမောင်းတတ်တဲ့ သူဖြစ်မယ်ထင်တယ်။ လီဘာ နဲ့ ဘရိတ်နဲ့က မှားစရာမဟုတ်ဘူးလေ။ အခုတော့ လူ့အသက် ဆုံးရှုံးရပြီ” ဟု ဆက်လက်ပြောသည်။

လားရှိုးမြို့တွင် ယာဥ်မောင်းများသည် ယာဥ်စည်းကမ်း လမ်းစည်းကမ်းလိုက်နာမှု နည်းကြောင်း၊ မြို့လယ်ခေါင်တွင်လည်း အရှိန်မြှင့်ပြီး ယာဥ်ကို မဆင်မခြေ မောင်းမှုကြောင့် မကြာခဏ ယာဥ်တိုက်မှု ဖြစ်ပွားကာ သေဆုံးမှုများလည်း နေ့စဥ်ဆက်တိုက် ကြုံတွေ့နေရသည်။

Leave a Comments

- Advertisement -spot_img

Latest article