သျှမ်းအမျိုးသားအကြားမှာလည်းအမျိုးသားပြည်လည်သင့်မြတ်ရေးအတွက်လည်း အရေးကြီး တာ ပေါ့နော်။ သင့်မြတ်မှငြိမ်းချမ်းမယ်လေ။ ငြိမ်းချမ်းမှဖွံ့ဖြိုးတိုးတက်မယ်လေ။ အရေးကြီးပါတယ်သင့်မြတ်ရေး က။ လွတ်လပ် ရေးရပြီးကတည်းက အမျိုးသားပြန်လည်သင့်မြတ်ရေးမရှိလို့ဘဲ လက်နက်ကိုင်ပဋိပက္ခ တွေဖြစ်လာ တာလေ။ ပြည်ထောင်စုထဲမှာ သင့်မြတ်ရေးမရှိလို့ ဖွံ့ဖြိုးသင့်လျက်နဲ့မဖွံ့ဖြိုးဘူး။ သယံဇာတပေါကြွယ်ဝလျက်နဲ့ လူတွေက ဆင်းရဲတွင်းနက်နေသေးတယ်။

ကျနော်တို့နိုင်ငံကအရမ်းကိုကံကောင်းတယ်လို့ပြောလို့ရပါတယ်။ ဒေါ်အောင်ဆန်းစုကြည်က NLD အစိုးရဖြစ် နေ တော့ နိုင်ငံတကာဖိအားက ရှိသင့်သလောက်မရှိဘူး။ ခံသာတယ်လို့ပြောလို့ရပါတယ်။သူ့ရဲ့ အင်းမိတ်က အပြည်ပြည်ဆိုင်ရာ ပုဂ္ဂိုလ်ရေး ထင်ပေါ်ကျော်ကြားမှုက ကြီးမားတဲ့အတွက်ကြောင့်ကျနော်တို့က ကခံသာတယ်။နို့မဟုတ်လို့ရှိရင်သိပ်မလွယ်ဘူး။ဖြေရှင်းရမယ့်ပြသနာက နှစ်ပေါင်းကကြာလှပြီကိုး။ ဖြေရှင်း ရမယ့် ဟာက တဆင့်ပြီးတဆင့်သွားရမယ်။ချက်ချင်းတော့ ပြေလည်နိုင်မယ့်အခြေအနေတော့မရှိဘူး။ ဒါမယ့်ကျနော်တို့ စိတ်ရှည်သီးခံပြီးတော့တဆင့်ချင်းသွားရင်တော့ ဖြေရှင်းနိုင်မယ်လို့တော့ ကျနော်တို့ ယုံကြည်မျှော်လင့်ပါတယ်။

ရခိုင်ပြည်နယ်ဘက်က ပဋိပက္ခအလားတူ သျှမ်းပြည်နယ်ထဲမှာလည်း တိုက်ပွဲပဋိပက္ခတွေလည်း ရှိ်နေတော့ သူမအနေနဲ့ ကြိုးစားရမယ်။ ဘာဖြစ်လို့လဲဆိုတော့ ကျနော်တို့သျှမ်းပြည်က နှစ်ပေါင်းကတော်တော်ကြာပြီလေ။ ပဋိပက္ခ ဖြစ်လာတာ။ အမှန်အတိုင်းသုံးသပ်မယ်ဆိုလို့ရှိရင် တိုင်းရင်းသားလက်နက်ကိုင်အဖွဲ့တွေက အရင် တုန်း ကထက်စာရင် အခုက ပိုပြီးတော့အင်အားတောင့်တင်းလာတယ်။ အဲတာကြောင့်ဒီဟာကို စိတ်ရှည်ပြီး တော့မှ နိုင်ငံရေးပြသနာကို နိုင်ငံရေစာပွဲဝိုင်းမှာဖြေရှင်းမှဘဲရတော့မယ်။ လက်နက်ကိုင်နည်းလမ်းနဲ့ဖြေရှင်းလို့ မလွယ်ဘူး။ အမျိုးသားပြန်လည်သင့်မြတ်ရေးမှာသူမ စွမ်းဆောင်နိုင်မယ်လို့တော့မြင်တယ်။ ဒါမယ့်သူမ အချိန်အတိုင်းအတာတော့လိုမယ်။ သူ့အစိုးရသက်တမ်းက ၃ နှစ်ကျော်ကျော်ဘဲကျန်တော့တယ်။ ဒါကြောင့် သူတို့ရဲ့အစိုးရသက်တမ်းမှာ အောင်မြင်မယ်လို့တော့ လုံးဝ မျှော်လင့်လို့တော့မရဘူးဗျ။ ဘာလို့လဲဆိုတော့ နိုင်ငံရေးစကားဝိုင်းထဲကိုအကုန်လုံးကမရောက်လာသေးဘူးလေ။ ၈ ဖွဲ့ဘဲရောက်လာသေးတယ်။ ကျန်တဲ့အဖွဲ့တွေမရောက်လာသေးဘူး။ အားလုံးရောက်လာရမယ်။

တိုင်းရင်းသားလက်နက်ကိုင်ပဋိပက္ခ လည်းဖြေရှင်းရမယ်။ ရခိုင်ပြသနာလည်းဖြေရှင်းရမယ်။ ရခိုင်ပြသနာက အပြည်ပြည်ဆိုင်ရာ ထက်ပိုပြီးတော့ အရေးကြီးတဲ့သဘောမှာရှိနေတယ်။ နိုင်ငံတကာဖိအားပါတယ်လေ။

ရခိုင်နဲ့သျှမ်းပြည်ပြသနာဖြေရှင်းမှုကိုကြည့်မယ်ဆိုရင် သူလည်း ကြိုးစားနေပါတယ်။ ၀မ်းသာစရာတခုကောင်းတာက NCA လက်မှတ်ထိုးထားတဲ့ ဗိုလ်ချုပ်ကြီးယွက်စစ်တို့အဖွဲ့ RCSS/SSA က ခုရက်ပိုင်းလေးတင် ဒေါ်အောင်ဆန်းစုကြည်ကိုရော ဒုတိယကာကွယ်ရေးဦးစီးချုပ်ဒုဗိုလ်ချုပ်မှူးကြီး စိုးဝင်းနဲ့ကောသွားတွေ့လိုက်တဲ့အပေါ် ရှေ့အလားအလာ ကောင်းမယ်လို့ကျနော်တို့မျှော်လင့်ထားပါတယ်။