Sunday, February 5, 2023

သျှမ်းပြည်သား ကျိုက်ထို လျှပ်စစ်အင်ဂျင်နီယာ မိုင်းအောင်နေထွန်း ပစ်သတ်ခံရ

Must read

သျှမ်းပြည် မှတ်ပုံတင်ကိုင်ဆောင်ထားသည့် တအာင်း (ပလောင်) လူမျိုး မိုင်းအောင်နေထွန်း (ခ) ရှမ်းလေးသည် ကျိုက်ထို မြို့နယ် လျှပ်စစ်အင်ဂျင်နီယာ အဖြစ် တာဝန်ထမ်းဆောင်စဥ် ပစ်သတ်ခံခဲ့ရကြောင်း သတင်းရရှိသည်။

မိုင်းအောင်နေထွန်း

ပြီးခဲ့သည့် နိုဝင်ဘာ ၂၉ ရက်တွင် မွန်ပြည်နယ် ကျိုက်ထိုမြို့နယ်၌ မြို့နယ် အထွေထွေ အုပ်ချုပ်ရေးမှူး နေအိမ်ကို မီးပြင်ဖို့သွားနေစဉ် အမည်မသိ လက်နက်ကိုင် ၂ ဦးက ဆိုင်ကယ် နှင့် လိုက်လာပြီး ပစ်ခတ်ခံခဲ့ရကြောင်း သိရှိရသည်။

အဆိုပါ မိုင်းအောင်နေထွန်း (ခ) ရှမ်းလေးသည် ဒေသတွင်း မီတာခ မဆောင်သည့် အိမ်များကို မီဖြတ်ခိုင်းသူအဖြစ် နာမည်ဆိုးဖြင့် ကျော်ကြားသူဟုဆိုပြီး လာရောက်ပစ်ခတ်ခဲ့ရာ လက်ရှိအချိန်ထိ မည်သည့် အဖွဲ့မှ လာရောက်ပစ်ခတ် သွားသည်ကို မသိရှိသေးပေ။

မိုင်းအောင်နေထွန်းသည် ကိုဗစ် – ၁၉ ကာလအတွင်း ရပ်ရွာအတွင်း လိုလေသေးမရှိ ဆောင်ရွက်ပေးခဲ့သူ ထောက်ပံ့ကြေးငွေရှာပေးခဲ့သူ၊ စားဝတ်နေရေး အဆင်ပြေအောင် အမြဲလုပ်ဆောင်ပေးခဲ့သူ တစ်ဦးဖြစ်သည်ဟု မိုင်းအောင်နေထွန်း၏ မွန်ပြည်နယ် ပေါင် လူထုများက လူမှုကွန်ယက်ပေါ်တွင် ရေးသားထားသည်။

အလားတူ Paung Daily လူမှုကွန်ယက် စာမျက်နှာပေါ်တွင်လည်း ပေါက်မြို့နယ်သို့ တာဝန်ကျရောက်လာချိန်တွင် ကျေးရွာပေါင်း ၉၀ ဝန်းကျင်ကို လျှပ်စစ်မီးရရှိအောင် လုပ်ဆောင်ပေးခဲ့သူဖြစ်ကြောင်း ရေးသားထားသည်။

ထို့အပြင် ကိုဗစ် – ၁၉ ကာလအတွင်းတွင်လည်း ပေါင်မြို့နယ်အတွက် လိုလေသေးမရှိ ကူညီပေးခဲ့သူဖြစ်ကြောင်း၊ ယခုလို လုပ်ကြံသတ်ဖြတ်ခံရသည့် အတွက်ကြောင့် စိတ်မကောင်းဖြစ်မိကြောင်း ရေးသားထားသည်။

မိုင်းအောင်နေထွန်းတွင် သေနတ်ပစ်သတ်ခံရပြီးနောက်ပိုင်း ၎င်း၏ ဇနီး နှင့် သားတစ်ဦး၊ သမီးတစ်ဦး ကျန်ရစ်ခဲ့ ကြောင်းသိရသည်။

ကျိုက်ထိုမြို့နယ် လျှပ်စစ်ရုံးကိုလည်း ဒေသတွင်း လှုပ်ရှားသည့် ပြည်သူ့ကာကွယ်ရေးတပ်ဖွဲ့ မှ ဗုံးမကြာခဏ ဖောက်ခွဲလေ့ရှိကြောင်း သိရသည်။

Leave a Comments

- Advertisement -spot_img

Latest article