Thursday, December 1, 2022

တောင်ကြီး ဘတ္ထရီပြုပြင်ဆိုင် လျှပ်စစ်မီးဝါယာရှော့ မီးလောင်

Must read

သျှမ်းပြည်တောင်ပိုင်း တောင်ကြီးမြို့ အနောက်မြို့ပတ်လမ်းကမ္ဘာ့ရတနာဘဏ်အနီးရှိ ဘတ္ထရီပြုပြင်ရေးတစ်ဆိုင်သည် ယနေ့ (နိုဝင်ဘာ ၁၆)ရက် နံနက် ၈နာရီတွင် လျှပ်စစ်မီးဝါယာရှော့မှတဆင့် မီးလောင်မှုဖြစ်ပွားခဲ့ကြောင်း စုံစမ်းသိရှိရသည်။

လျှပ်စစ်မီးဝါယာရှော့မှတဆင့်မီးလောင်

ယနေ့ နိုဝင်ဘာလ ၁၆ ရက် နံနက်ပိုင်း ၈ နာရီဝန်းကျင်မှ စတင်ပြီး မီးလောင်မှုဖြစ်ပွားခဲ့ရာ ဆိုင်အတွင်းရှိ ပစ္စည်း အချို့မီးလောင်ထဲသို့ ပါသွားကြောင်း တောင်ကြီးဒေသခံ အမျိုးသားတစ်ဦးက သျှမ်းသံတော်ဆင့်ကို ပြောသည်။

“ ဝါယာကြိုးတစ်ဆင့် ရှော့ဖြစ်ပြီး မီးလောင်တာ။ ဆိုင်ထဲက ဒိုင်နမို၊ ဘထရီတွေ တခြားအသုံးဆောင် ပစ္စည်း အချို့တွေတော့ မီးလောင်သွားတယ်။ မီးစလောင်ပြီး နာရီအတွင်းမှာဘဲ မီးငြိမ်းသွားတယ်။ ပျက်စီးဆုံးရှုံး မှုကတော့ သေချာမသိရဘူး “ ဟု ၎င်းဒေသခံတစ်ဦးက ပြောသည်။

လျှပ်စစ်မီးဝါယာရှော့မှ တဆင့်မီးလောင်

အဆိုပါ မီးလောင်မှုဖြစ်စဉ်အတွင်းမှာ ဆိုင်ထဲရှိလူများ ဘေးလွှတ်ရာသို့ ထွက်ပြေးနိုင်ခဲ့သဖြင့် လူထိခိုက်ဒဏ်ရာမရှိ ခဲ့ကြောင်း သိရသည်။

“ လျှပ်စစ်မီးဓာတ်တိုင်နဲ့ အိမ်က မီးကြိုးချိတ်တဲ့နေရာကနေ ဝါယာရှော့ဖြစ်ပြီးလောင်တာ။ အဓိတော့ လျှပ်စစ်မီးဌာနက စနစ်တကျ မလုပ်လို့ပဲ။ မီးကလည်း ခဏခဏပျက်လိုက် လာလိုက်ဖြစ်တာလဲပါမယ်” ဟု တောင်ကြီးဒေသခံ အမျိုးသားက ဆိုသည်။

လျှပ်စစ်မီးဝါယာရှော့ ဖြစ်ခြင်းသည် ချို့ယွင်းသော ပလက်ပေါက်များနှင့် လျှပ်စစ်ပစ္စည်းများ အသုံးပြုခြင်း၊ မီးခုံတွေပေါ်မှာ အများဆုံး သတ်မှတ်ထားသည့် ဝပ်အားထက် ကျော်လွန်ပြီး မီးလုံးများကို အသုံးပြုခြင်းမှ မီးလောင်မှုဖြစ်ပွားနိုင်ခြင်း၊ Extension မီးကြိုးတစ်ခုတည်းနှင့် လိုင်းများခွဲပြီး အချိန်ကြာမြင့်စွာ အသုံးပြုခြင်း၊ ဟောင်းနွမ်းနေသည့် ဝါယာကြိုးများ အသုံးပြုခြင်း စသဖြင့် လျှပ်စစ်မီးမှ တဆင့် မီးလောင်မှုဖြစ်ပွားနိုင်ကြောင်း သိရသည်။

Leave a Comments

- Advertisement -spot_img

Latest article