ကယားပြည်နယ် လွိုင်ကော်မြိုနယ် တောင်ကြောပေါ်ကုန်းသာ အနီးတွင်ရှိသော ပအိုဝ်းအမျိုးသားကာကွယ်ရေး တပ်ဖွဲ့ PNDF အခြေစိုက်စခန်းကို စစ်ကောင်စီမှဝင်ရောက်စီးနင်းခဲ့ပြီး စခန်းကို မီးရှိုးခဲ့ကြောင်း ယနေ့ နိုဝင်ဘာလ ၁၅ ရက်၏ ထုတ်ပြန်ချက်အရ သိရသည်။
ယခုလ နိုဝင်ဘာလ ၄ ရက်နေ့ မွန်းလွဲ ၄ နာရီတွင် စစ်ကောင်စီမှ စစ်ကြောင်းသုံးကြောင်း ခန့်မှန်းအင်အား (၂၀၀) ကျော်ဝန်းကျင်ဖြင့် ဝင်ရောက်စီးနင်းခဲ့ပြီး နိုဝင်ဘာလ ၅ ရက် နံနက်ပိုင်း ၇ နာရီဝန်းကျင်တွင် စခန်းကို မီးရှိုးခဲ့ကြောင်း ထုတ်ပြန်ချက်တွင် ရေးသားဖော်ပြထားသည်။
“ စစ်ကောင်စီက စခန်းကို လာစီးနင်းတဲ့အချိန်က ကျနော်တို့ဆီမှာ လက်နက်ခဲယမ်းလုံလောက်မှု မရှိတာကြောင့် ထိပ်တိုက်မရင်ဆိုင်ဘဲ PNDF စခန်းနှင့်ဝေးတဲ့တစ်နေရာ ခုတ်ခွာခဲ့ရတယ်။ ကျနော်တို့ သယ်ယူလို့မရတဲ့ ရိက္ခာတွေနဲ့ အသုံးဆောင်ပစ္စည်းများလည်း စစ်တပ်က မီးရှို့သွားတယ် “ ဟု ထုတ်ပြန်ချက်တွင် ရေးသားဖော်ပြသည်။
ထို့အပြင် ပအိုဝ်းအမျိုးသားကားကွယ်ရေး တပ်ဖွဲ့ PNDF ၏ ဘတ်တံဆိပ်နှင့် ယူနီဖောင်းများကို စစ်ကောင်စီမှ ယူဆောင်သွားပြီး အသုံးပြုနေသဖြင့် PNDF၏ညီနောင်မဟာမိတ်များ သတိထားစေလိုကြောင်း ဆိုသည်။
“ စခန်းမှာကျန်ခဲ့တဲ့ PNDF ဘတ်တံဆိပ်ရဲ့ ယူနီဖောင်းတွေကို စစ်တပ်က ယူသွားတယ်။ စစ်ကောင်စီက ကျနော်တို့ ဘတ်တံဆိပ်နဲ့ သွားလာနေတာတွေ့ရင် ကျနော်တို့တာဝန်ရှိသူနဲ့ ဆက်သွယ်အကြောင်းကြား လာနိုင်တယ် “ ဟု ဆိုသည်။
ထို့အပြင် စစ်ကောင်စီမှ စခန်းကိုဝင်ရောက်နီးစင်းခဲ့ရာ ပြည်သူ့ကာကွယ်ရေး တစ်ဦးသေဆုံးခဲ့ပြီး သေဆုံးနေသူသည် ပအိုဝ်းအမျိုးသားကာကွယ်ရေး တပ်ဖွဲ့ဝင် မဟုတ်ကြောင်းနှင့် သေဆုံးသူသည် မည်သူ မည်ဝါကိုလည်း စုံစမ်းနေဆဲဖြစ်ကြောင်း သိရသည်။
Leave a Comments