Thursday, December 1, 2022

NCA (၇) နှစ်ပြည့် နှစ်ပတ်လည်နေ့ အခမ်းအနား လက်နက်ကိုင် (၇) ဖွဲ့ တက်ရောက်

Must read

နေပြည်တော်ရှိ အမျိုးသား စည်းလုံးညီညွတ်ရေး နှင့် ငြိမ်းချမ်းရေး ဖော်ဆောင်မှုကော်မတီ ဗဟိုဌာန အစည်းအဝေးခန်းမ၌ ယမန်နေ့ အောက်တိုဘာ (၁၅) ရက်က တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) လက်မှတ်ရေးထိုးခြင်း (၇) နှစ်ပြည့် အခမ်းအနား ကျင်းပပြုလုပ်ခဲ့ကြောင်း သိရှိရသည်။

အဆိုပါ တွေ့ဆုံပွဲမှာ NCA-S-EAO ကိုယ်စားလှယ်များ၊ အမျိုးသားစည်းလုံးညီညွတ်ရေး နှင့် ငြိမ်းချမ်းရေးဖော်ဆောင်မှု ညှိနှိုင်းကော်မတီ (NSPNC) ခေါင်းဆောင်များ၊ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီ (UPWC) နှင့် တာဝန်ရှိ ပုဂ္ဂိုလ်များ တက်ရောက်ခဲ့ကြောင်း သိရှိရသည်။

NCA (၇) နှစ်ပြည့် နှစ်ပတ်လည် အခမ်းအနား

ယမန်နေ့ အောက်တိုဘာ (၁၅) ရက်တွင် ကျင်းပပြုလုပ်သည့် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) လက်မှတ်ရေးထိုးခြင်း (၇) နှစ်ပြည့် အခမ်းအနားမှာ NCA လက်မှတ်ရေးထိုးထားသည့် တိုင်းရင်းသား လက်နက်ကိုင်တပ်ဖွဲ့ (၁၀) ဖွဲ့ မှ (၇) ဖွဲ့ တက်ရောက်ခဲ့ကြောင်း သိရှိရသည်။

အခမ်းအနားသို့ တက်ရောက်ခဲ့သည့် တိုင်းရင်းသားလက်နက်ကိုင် (၇) ဖွဲ့မှာ သျှမ်းပြည်ပြန်လည်ထူထောင်ရေးကောင်စီ၊ သျှမ်းပြည်တပ်မတော် (RCSS/SSA၊ ပအိုဝ်းအမျိုးသား လွတ်မြောက်ရေး အဖွဲ့ချုပ် (PNLO/ PNLA)၊ ရခိုင် အမျိုးသားပါတီ (ANP) ၊ လားဟူဒီမိုကရက်တစ် အစည်းအရုံး (LDU) ၊ ကရင်အမျိုးသား အစည်းအရုံး/ ကရင်အမျိုးသား လွတ်မြောက်ရေး တပ်မတော်-ငြိမ်းချမ်းရေးကောင်စီ KUN/KNLA(PC)၊ ဒီမိုကရေစီ အကျိုးပြုကရင်တပ်မတော် DKBA နှင့် မွန်ပြည်သစ်ပါတီ (MNSP) တို့ တက်ရောက်ခဲ့ကြောင်း သိရှိရသည်။

ချင်းအမျိုးသားတပ်ဦး (CNF) ၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) နှင့် ကရင်အမျိုးသားအစည်းအရုံး (KNU) တို့ တက်ရောက်ခဲ့ခြင်း မရှိကြောင်း သိရှိရသည်။

Leave a Comments

- Advertisement -spot_img

Latest article