ပြင်ဦးလွင်မြို့ ရေချမ်းအိုးရပ်ကွက်ရှိ နေအိမ် တစ်အိမ်တွင် အမျိုးသမီးတစ်ဦး ဓားဖြင့်ထိုးသတ်ခံရပြီး ကျန်မိသားစုဝင် ၃ ဦး ဓားဒဏ်ရာရရှိကြောင်း စုံစမ်းသိရသည်။
ယနေ့ (အောက်တိုဘာ ၁၃) ရက် တွင် ပြင်ဦးလွင်မြို့ ရေချမ်းအိုးရပ်ကွက် အတွင်းနေထိုင်သည့် အမျိုးသမီးတစ်ဦး ဓားထိုးသတ်ခံရပြီး ကျန်မိသားစုဝင် (၃) ဦး ဓားဒဏ်ရာရရှိသဖြင့် ဆေးရုံသို့ ပို့ဆောင်ခဲ့ရကြောင်း ပြင်ဦးလွင် နာမှုကူညီရေးအသင်းက ပြောသည်။
” ဘာကြောင့် ဖြစ်တယ်ဆိုတာတော့ မသိရဘူး။ မိသားစုလိုက် ဓားဒဏ်ရာရတာလဲဆိုတာ တိကျမသိရဘူး၊ တယောက်တော့ သေတယ်။ ကျန် ၃ ယောက်ကတော့ ဓားဒဏ်ရာတွေနဲ့ ဆေးရုံပို့လိုက်တယ်” ဟု ပြင်ဦးလွင် နာမှုကူညီရေးအသင်းက ဆိုသည်။
အဆိုပါဖြစ်စဥ်နှင့် ပတ်သက်ပြီး တိကျသည့် အဖြေမသိရှိရသေးသော်လည်း တချို့က သူခိုး နေအိမ်ထဲဝင်လာစဥ် မိရာမှ သူခိုးမှ အိမ်သားများကို သတ်ဖြတ်ခဲ့သည်ဟုလည်း သတင်းထွက်ပေါ်နေသည်။
လွန်ခဲ့သည့် စက်တင်ဘာလတွင်လည်း ပြင်ဦးလွင်မြို့အနီးစခန်းတွင် မိသားစုဝင် (၅) ဦး သတ်ဖြတ်ခံရကာ လက်ရှိအချိန်ထိ တရားခံကို မဖမ်းမိသေးပေ။
မြန်မာနိုင်ငံတွင် စစ်အာဏာသိမ်းပြီးနောက်ပိုင်း တရားဥပဒေစိုးမိုးမှု ပိုဆိုးလာပြီး၊ နေ့စဥ်ဆက်တိုက် လူသတ်မှုများလည်းရှိနေကြောင်းသိရသည်။
Leave a Comments