သျှမ်းပြည်မြောက်ပိုင်း မူဆယ်မြို့နယ် တရားသူကြီးတစ်ဦးသည် ယနေ့ (အောက်တိုဘာ ၆)ရက် ညနေ ၅နာရီဝန်းကျင်၌ သေနတ်ပစ်သတ်ခံရကြောင်း စုံစမ်းသိရသည်။
ယနေ့ (အောက်တိုဘာ ၆)ရက် ညနေ ၅နာရီဝန်းကျင်တွင် မူဆယ်မြို့ ဟိုမွန်ရပ်ကွက် ပြည်ထောင်စုလမ်းမကြီး သုဟန်ပန်းချီရှေ့မှာ အမည်မသိလက်နက်ကိုင်တပ်ဖွဲ့မှ မူဆယ်မြို့နယ် တရားသူကြီး ရာဇာမင်းစိုးကို ပစ်သတ်လိုက်ကြောင်း မူဆယ်ဒေသခံ တစ်ဦးက သျှမ်းသံတော်ဆင့် ကို ပြောသည်။
” ပြည်ထောင်စုလမ်းမပေါ်က သုဟန်ပန်းချီရှေ့မှာ အမည်မသိ လက်နက်ကိုင်အဖွဲ့ ၂ယောက်က ဆိုင်ကယ်နဲ့လာပြီး ပစ်တာ။ သေနတ် (၆)ချက်ပစ်လိုက်တယ်။ ပွဲချင်းပြီးသေဆုံးသွားတယ်” ဟု မူဆယ်မြို့ ဒေသခံ တစ်ဦးက ဆိုသည်။
အဆိုပါ သေနတ်ပစ်ခံရသည့် တရားသူကြီးသည် အသက် ၃၇ နှစ် သာရှိပြီး၊ ထိုသူသည် နာမည်ပျက်ဖြင့် နာမည်ကြီးနေသည့်သူဖြစ်ပြီး၊ အဂတိလိုက်စားမှုများလည်းရှိခဲ့သည့် သူတစ်ဦးဖြစ်ကြောင်း သိရသည်။
