သျှမ်းပြည်အရှေ့ပိုင်း မိုင်းဖုန်းကျေးရွာအုပ်စုရှိ မိုင်းဖုန်းဗုဒ္ဓဂါယာ စေတီတော်ကြီးကို လာမယ့် ၂၀၂၃ ခုနှစ် ဇန်နဝါရီ ၅ ရက်နေ့ မိုင်းဖုန်းဆရာတော်မွေးနေ့ပွဲမှာ ထီးတော်တင်နိုင်ဖို့အတွက် ယနေ့ အောက်တိုဘာ (၄) ရက်နေ့ မနက်ပိုင်းကမိုင်းဖုန်းဆရာတော် ကိုယ်တိုင် ကြွရောက်ပြီး ကြည့်ရှုခဲ့ပါတယ်။
မိုင်းဖုန်းဆရာတော်ဟာ (၃) နှစ် (၃) လ (၃) ရက် မိုင်းကျက်ဂူမှာ ဂူအောင်းအဓိဌာန်ဝင်အောင်မြင်ပြီးနောက် ကျန်းမာရေး အခြေအနေကြောင့် ထိုင်းနိုင်ငံသို့ ကြွရောက်ပြီး ဆေးကုသမှု ခံယူခဲ့ရပါတယ်။
ပြီးခဲ့တဲ့ စက်တင်ဘာ (၃၀) ရက်နေ့ကလည်း မိုင်းဖုန်းဆရာတော်ဟာ ထိုင်းနိုင်ငံဘက်ခြမ်းက ဆေးရုံမှာ ဒုတိယအကြိမ် ကျန်းမာရေး စစ်ဆေးမှု ပြုလုပ်ခဲ့ရာကအပြန် အခုလို မိုင်းဖုန်းဗုဒ္ဓဂါယာ စေတီတော်ကြီးကို ဝင်ရောက်ဖူးမျှော်ကြည့်ရှုခဲ့ပါတယ်။
ဆရာတော်ဟာ ယခုလထဲမှာ ကျန်းမာရေးဆေးစစ်မှု နောက်တကြိမ်ပြုလုပ်ပြီးမှ မိုင်းဖုန်း ဆီလွန်းလူကျောင်းတိုက်မှာ ဝဇီပိတ်အဓိဌာန်ပြန်ဝင်မှာဖြစ်ပါတယ်။ တန်ဆောင်မုန်းလပြည့်မှာမှ ဆရာတော်က ဝါထွက်မှာဖြစ်ကြောင်း မိန့်တော်မူပါတယ်။
