သျှမ်းပြည်တောင်ပိုင်းရှိ တောင်ကြီးမြို့မှ တောင်ကြီး – အေးသာယာ အဆင်းလမ်းတွင် ယနေ့ (စက်တင်ဘာ ၂၉) ရက် နံနက်ပိုင်းတွင် အမျိုးသား လူငယ် တစ်ဦးကို စစ်ကောင်စီတပ်သားတို့မှ အကြောင်းမဲ့ သေနတ်ဖြင့် ပစ်သတ်လိုက်ကြောင်း သတင်းသိရသည်။
ယနေ့ စက်တင်ဘာလ ၂၉ ရက်နေ့ နံနက် ၈ နာရီဝန်းကျင်တွင် အေးသာယာမြို့၊ ထုံးဖိုရပ်ကွက်မှ တောင်ကြီးမြို့သို့ အလုပ်လုပ်ရန် တက်လာသည့် လူငယ်ကို စစ်ကောင်စီတပ်သားမှ အကြောင်းမဲ့ ပစ်သတ်ခြင်းဖြစ်ကြောင်း ဒေသခံများက ပြောသည်။
“ပစ်သတ်ခံရတဲ့ လူငယ်ဟာ အေးသာယာ၊ ထုံးဖိုထဲက ဖြစ်တယ်လို့ သိရပါတယ်။ သေနတ်သံက နှစ်ချက်လား သုံးချက်လား အဲ့လောက်ပဲ၊ အလောင်းကိုလည်း သူတို့ကားပေါ်ပြန်တင်ပြီး စစ်ဆေးရုံကို ပြန်သယ် သွားတယ်လို့ သိရတယ်” ဟု အမည်မဖော်လိုသူ ဒေသခံအမျိုးသား တစ်ဦးက ပြောသည်။
အဆိုပါ ပစ်သတ်ခံရသူ အမျိုးသား လူငယ်သည် အေးသာယာမြို့မှ တောင်ကြီးသို့ တက်ပြီး ပန်းရန် အလုပ်လုပ်ကိုင်သူ ဖြစ်ကြောင်း ဒေသခံများက ပြောသည်။
မည်သည့်အကြောင်းရင်းကြောင့် ပစ်သတ်သည်ကို မသိရသည့်အပြင် အလောင်းကိုလည်း မိသားစုဝင်များက ပြန်မရကြောင်း ဒေသခံများက ပြောသည်။
Leave a Comments